Հոլիվուդյան դերասան Մեթ Լեբլանը` Top Gear շոուի նոր հաղորդավար26 սեպտեմբերի 2016 - 17:12 AMT PanARMENIAN.Net - Ամերիկացի դերասան Մեթ Լեբլանն ավտոմեքենաների մասին Top Gear սիրված շոուի նոր հաղորդավարը կլինի: Ինչպես հայտնել է BBC-ին, նա պայմանագիր է կնքել 2 տարով: Լեբլանը հայտնի դարձավ «Ընկերները» հեռուստասերիալում Ջոուի Թրիբբիանիի դերակատարման շնորհիվ: «Շատ ուրախ եմ, որ Լեբլանը վերադառնում է: Նա մեծ տաղանդի տեր է, որի սերը ավտոմեքենաների հանդեպ վարակիչ է»,-ասել է ВВС-ի երկրորդ հեռուստաալիքի խմբագիր Պատրիկ Հոլլանդը, հայտնում է ՏԱՍՍ-ը: Լեբլանը նախկինում արդեն մասնակցել է Top Gear նկարահանումներին հյուրի կարգավիճակով`լավագույն ժամանակը ցույց տալով մրցուղում շոուի հրավիրյալ մասնակիցների թվում: Դա 2012-ին էր: Այժմ 49-ամյա դերասանին շոուի հաղորդավարի դերում հանդիսատեսը կկարողանա տեսնել արդեն 2017-ին: 2016-ի հուլիսին հեռուստաշոուի նախկին վարող Քրիս Էվանսը հեռացավ նախագծից վարկանիշի զգալի անկումից հետո: Ըստ BBC-ի, Top Gear-ի առաջին թողարկումը նոր հաղորդավարների մասնակցությամբ դիտել է 4,4 մլն մարդ, ինչը գրեթե վատագույն ցուցանիշն է մի հաղորդման համար, որի լսարանը սովորաբար գերազանցում է 6 մլն: Էվանսը եռամյա պայմանագիր էր կնքել Top Gear-ի հետ 2015-ի հունիսին` փոխարինելով Ջերեմի Քլարքսոնին, որի հետ պայմանագիրը BBC-ին չերկարացրեց վերջինիս վեճի պատճառով տեխնիկական պրոդյուսերի հետ, որը ծեծկռտուքով ավարտվեց: Նրա հետ միասին շոուից հեռացան նաև մյուս 2 հաղորդավարները` Ջեյմս Մեյն ու Ռիչարդ Համմոնդը: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին» Նամակի բովանդակությունը հայտնի չէ Փաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նա ՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |