Հունաստանի ՊՆ-ի խորհուրդն Էրդողանին. Չվերանայել միջազգային իրավունքը 1 հոկտեմբերի 2016 - 11:30 AMT PanARMENIAN.Net - Հունաստանի ազգային պաշտպանության նախարար Պանոս Կամենոսը խորհուրդ է տալիս Թուրքիայի նախագահ Ռեջեփ Թայիփ Էրդողանին չբռնել միջազգային իրավունքի վերանայման ճանապարհը և «ուշադիր լսել հունական կղզիներից լսվող ձայները»: Ըստ Էրդողանի սեպտեմբերի 29-ի հայտարարության, ըստ Լոզանի պայմանագրի թուրքերը Հունաստանին հանձնեցին Էգեյան ծովի կղզիները, «որտեղի ճիչերը լսվում են մեր ափին», որտեղ գտնվում են «թուրքական մզկիթներն ու սրբությունները» «Հիմա ամբողջ աշխարհն է հասկանում, որ Էրդողանի ջանքերն ուղղված են Թուրքիան կրոնապետության վերածելուն` ժխտելով բոլոր ներքին փոփոխությունները, որ արել է Քեմալ Աթաթուրքը»,-ասել է հույն նախարարը: «Ես նրան խորհուրդ կտայի հատկապես ուշադիր լինել երբ նա ձայներ է լսում Փոքր Ասիայի ափերից` հունական կղզիներից, քանի որ այդ ձայները հույների, Պոնտոսի հույների, փոքր Ասիայի հույների ձայներն են, որոնք ապրում էին այնտեղ, քանի դեռ թուրքերը չէին սկսել կոտորել հելելնիզմը»,-ասել է Կամենոսը` հիշեցնելով այդպիսով Փոքր Ասիայի հույների ցեղասպանության մասին: «Նման հայտարարությունները չեն նպաստում երկու ժողովրդների գոյակցությանը, միջազգային իրավունքը վիճարկելու փորձերը վտանգավոր ուղիով են տանում: Ես խորհուրդ կտայի չգնալ այդ ճանապարհով»,-ասել է Հունաստանի ՊՆ ղեկավարը: Առաջին աշխարհամարտից առաջ և հետո՝ Հայոց ցեղասպանությանը զուգահեռ ցեղասպանության է ենթարկվել Պոնտոսի, փոքրասիական, Էգեյան կղզիներում և Կոստանդնուպոլսում բնակվող մոտ 500 000 հույներ: Առաջին համաշխարհային պատերազմից առաջ Օսմանյան կայսրությունում, համաձայն օսմանական պաշտոնական տվյալների, ապրում էր առնվազն 2,7 միլիոն հույն: Հունաստանի ԱԳՆ-ն պահանջել է հարգել 1923թ. Լոզանի պայմանագիրը: «Լոզանի պայմանագիրն ու ամբողջ միջազգային իրավունքը իրողություն են քաղաքակիրթ աշխարհում, և ոչ ոք, այդ թվում Անկարան, չի կարող այն անտեսել: Բոլորը պետք է այն հարգեն: Որքան էլ դա ցավոտ լինի»,-ասել են դիվանագիտական աղբյուրները: Լոզանի պայմանագիրը հստակեցնում է Թուրքիայի սահմանը Բուլղարիայի (հոդված 2.1), Հունաստանի (հոդված 2.2), Սիրիայի (հոդված 3.1) և Իրաքի (հոդված 3.2) հետ, ուստի թուրքական իրավունքներն ու տիտղոսը ճանաչվում են միմիայն այդ սահմանագծից ներս ընկած տարածքների վրա։ Լոզանի պայմանագիրը չի անդրադարձել հայ-թուրքական սահմանին։ Սրա պատճառն այն է, որ այն արդեն իսկ և մեկընդմիշտ որոշված էր ԱՄՆ նախագահ Վուդրո Վիլսոնի անբեկանելի և կատարման համար պարտադիր իրավարար վճռով (նոյեմբերի 22, 1920)։ Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին» Նամակի բովանդակությունը հայտնի չէ Փաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նա ՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |