 2020-ին դեպրեսիան Երկիր մոլորակի ամենատարածված հիվանդությունը կլինի 10 հոկտեմբերի 2016 - 14:02 AMT PanARMENIAN.Net - Հոկտեմբերի 10-ին նշվում է Հոգեկան առողջության համաշխարհային օրը: Այն նշվում է Առողջության համաշխարհային կազմակերպության աջակցությամբ, որի նպատակն է իրազեկել հանրությանը հոգեկան առողջության խնդիրների մասին: Առաջին անգամ Հոգեկան առողջության համաշխարհային օրը նշվել է 1992-ին: Օրվա նշելու առաջնային նպատակն է նվազեցնել հոգեական խանգարումներով տառապողների քանակը: Հոգեկան առողջությունը մարդու առողջության անբաժան մասն է ու կարևորագույն բաղադրիչը` հանդիսանալով մարդու բարեկեցության և հանրության կյանքի հիմքը: Ըստ ԱՀԿ-ի, Երկիր մոլորակի յուրաքանչյուր 5-րդ բնակիչը տառապում է այս կամ այն հոգեկան խանգարումով, իսկ յուրաքանչյուր երկրորդը կարող է հոգեկան խանգարում ունենալ կյանքի ընթացքում: Նրանց մեծամասնությունը` 52 տոկոսը, սահմանային հոգեկան խանգարումներով անձինք են: Ամենատարածված հոգեկան խանգարումը դեպրեսիան է: Ըստ ԱՀԿ կանխատեսման, 2020-ին դեպրեսիան առաջին տեղում կլինի տարվա ընթացքում անաշխատունակության տևողությամբ այլ հիվանդությունների թվում: Այժմ դեպրեսիայով է տառապում կանանց 26%-ը և տղամարդկանց 12%-ը: Ոչ պակաս կարևւոր խնդիր են ինքնասպանությունները, որոնք մի շարք դեպքերում շաղկապված են դեպրեսիայի հետ: Ըստ ԱՀԿ, տարեկան ավելի քան 800.000 մարդ է մահանում ինքնասպանության հետևանքով, որը մահվան երկրորդ տարածված պատճառն է 15-29 տարեկան անձանց շրջանում: Ըստ ԱՀԿ գնահատականների, երեխաների ու դեռահասների մոտ 20%-ն աշխարհում հոգեկան խանգարում ունի: Հոգեկան խանգարումների մոտ կեսը սկիզբ է առնում մինչև 14 տարեկան: Հոգեկան խանգարումներն այլ հիվանդությունների տարածման կարևոր ռիսկային գործոն են, ինչպես նաև ոչ միտումնավոր և միտումնավոր վնասվածքների պատճառ: 2016-ին Հոգեկան առողջության համաշխարհային օրվա թեման է «Առաջին հոգեբանական օգնությունը», որը համամարդկային աջակցության միջոցների համախումբ է, ուղղված մերձավորներին օգնելուն: Առաջին հոգեբանական օգնությունը հիմնված է 4 հենասյուն ունի` պաշտպանել մարդու անվտանգությունը, արժանապատվությունն ու իրավունքը, հարմարեցնել սեփական գործողությունները մարդկանց մշակութային ավանդույթներին, իրազեկ լինել արտակարգ իրավիճակներում արձագանքման անհրաժեշտ միջոցներին, հոգ տանել սեփական անձի մասին: Հղումներ թեմայով.   Ուշագրավ Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար   Ամենաընթերցվողը բաժնում |  Բաժիններ թեմայով Վերջին լուրեր Էրդողանը՝ ՀՀ–ին․ Հնարավորության դռները հավերժ չեն կարող բաց մնալ, նոր ճանապարհային քարտեզի ժամանակն է  «Տարածաշրջանում արդեն նոր կարգ է ստեղծվում, անհիմն անգիրները մի անկյունում թողնելու ժամանակն է»,–ասել է նաՊապիկյանը Ֆրանսիայի Սենատի պատվիրակության հետ պաշտպանական գործակցության հարցեր է քննարկել Հանդիպմանը ներկա էր նաև ՀՀ-ում Ֆրանսիայի արտակարգ և լիազոր դեսպանըՖրանսահայ լրագրողի մուտքը ՀՀ արգելվել է․ Նա «Զվարթնոց» օդանավակայանում հացադուլ է հայտարարել «Ես Հայաստանից գնացոը չեմ, հենց այստեղ, անձնագրային բաժնում, հայտարարում եմ հացադուլ»,–ասել է նա տեսաուղերձումԱլիև․ Մոսկվան ու Բաքուն ևս մեկ մեծ նախագիծ են սկսում Հյուսիս-Հարավի շրջանակում Նա նշել է, որ Ադրբեջանի տարածքում կա երկաթգիծ, որը կապում է ադրբեջանա-ռուսական սահմանը Ադրբեջանի և Իրանի սահմանի հետ |
