ՌԴ օդուժն ու սիրիական ՌՕՈւ-ն դադարեցրել են ավիահարվածները Հալեպի շրջանում18 հոկտեմբերի 2016 - 11:56 AMT PanARMENIAN.Net - Հոկտեմբերի 18-ի առավոտյան ժամը 10-ից դադարեցվել են ռուսական ավիացիայի և սիրիական օդուժի հարվածները Հալեպի շրջանում: Այդ մասին լրագրողներին է հայտարարել ՌԴ պաշտպանության նախարար Սերգեյ Շոյգուն, հայտնում է ՌԻԱ Նովոստին: «Հարվածների վաղաժամ դադարեցումն անհրաժեշտ է հոկտեմբերի 20-ի «հումանիտար դադարի» համար: Դա թույլ կտա երաշխավորել խաղաղ բնակիչների դուրս բերումը քաղաքից 6 անվտանգ միջանցքով և տարհանման նախապատրաստել հիվանդներին ու վիրավորներին Հալեպի արևելյան մասում»,-ասել է նա: «Հումանիտար դադարը» կսկսի գործել սիրիական Հալեպում հոկտեմբերի 20-ի առավոտյան, հնարավորություն տալու համար դուրս գալ քաղաքից ինչպես գրոհայիններին, այնպես էլ խաղաղ բնակիչներին: Այդ մասին հայտարարել է ՌԴ Գլխավոր շտաբի օպերատիվ վարչության պետ գեներալ-լեյտենանտ Սերգեյ Ռուդսկոյը: Ըստ Շոյգուի, «հումանիտար դադարից» առաջ սիրիական զորքերը կնահանջեն Հալեպից, որպեսզի գրոհայինները կարողանան հեռանալ քաղաքից երկու հատուկ միջանցքով: Շոյգուն հայտարարել է նաև, որ բոլոր կողմերը պետք է շահագրգռված լինեն իրավիճակի կայունացմամբ և պետք է անցնեն իրական քայլերի: Շոյգուն կոչ է արել երկրների ղեկավարությանը, որոնք ազդեցություն ունեն զինված կազմավորումների առաջնորդների վրա, համոզել գրոհայիններին դադարեցնել դիմադրությունն ու հեռանալ Հալեպից: Հոկտեմբերի 17-ին ՌԴ ԶՈւ գլխավոր շտաբում հայտարարել էին, որ հոկտեմբերի 20-ին Հալեպի շրջանում «հումանիտար դադար» կհայտարարվի, որի ժամանակ ռուսական ավիացիան և սիրիական զորքերը հարվածներ չեն հասցնի: Հրադադարը կգործի 8:00-ից մինչև 16:00-ն: Ավելի վաղ «Ջեբհաթ ան Նուսրայի» գրոհայիններին Հալեպից դուրս բերելու առաջարկով էր հանդես եկել Սիրիայի գծով ՄԱԿ հատուկ դեսպանորդ Ստեֆան դե Միստուրան: Ռուսաստանը հավանություն էր տվել գաղափարին: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին» Նամակի բովանդակությունը հայտնի չէ Փաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նա ՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |