Եվրիմաժի ներկայացուցիչներն առաջին անգամ Հայաստան կայցելեն20 հոկտեմբերի 2016 - 10:59 AMT PanARMENIAN.Net - Հայաստանի ազգային կինոկենտրոնի (ՊՈԱԿ) և «ՌեԱնիմանիա» միջազգային անիմացիոն ֆիլմերի փառատոնի հրավերով նոյեմբերի 1-3-ը աշխատանքային այցով Երևան կժամանեն Եվրոպայի խորհրդի մշակութային աջակցության Եվրիմաժ (Eurimages) հիմնադրամի գործադիր տնօրենի տեղակալ Իզաբել Կաստրոն և Եվրիմաժի անիմացիոն և խաղարկային ֆիլմերի գծով փորձագետ Իրիս Կադուն: Եվրիմաժի ներկայացուցիչների հայաստանյան այցը տեղի կունենա «ՌեԱնիմանիա» միջազգային անիմացիոն ֆիլմերի փառատոնի շրջանակում: Աշխատանքային հանդիպման առաջին օրը՝ նոյեմբերի 1-ին, հյուրերը կինոարտադրողներին կներկայացնեն Եվրիմաժի և այլ կինոհիմնադրամների գործունեության առանձնահատկությունների և հայտեր ներկայացնելու կարգի մասին: Բացի այդ, նրանք ոլորտի մասնագետներին կծանոթացնեն համատեղ արտադրության և տեղական կինոթատրոնների աջակցության ծրագրերին, գրում է Kinoashkharh.am-ը։ Նոյեմբերի 2-ին արդեն տեղի կունենան գործնական աշխատանքային հանդիպումներ տեղական կինոգործիչների հետ, այդ թվում՝ կինոարտադրողների (պրոդյսերների, ռեժիսորների և կինոլորորտի այլ մասնագետների հետ): Հայ կինոգործիչները հնարավորություն կունենան փորձագետների հետ համատեղ քննարկելու այն կինոնախագծերը, որոնք հետագայում կներկայացվեն Եվրիմաժ հիմնադրամին՝ որոշակի ֆինանսվորում ստանալու նպատակով։ Այցն իրականացվում է ՀՀ մշակույթի նախարարության և Հայաստանի ազգային կինոկենտրոնի ֆինանսական աջակցությամբ: Հայաստանը 2016-ին միացավ Եվրիմաժ (Eurimages) հիմնադրամին, որպես 37-րդ անդամ պետություն: Նոյեմբերին կայանալիք այցը՝ Եվրիմաժի ներկայացուցիչների առաջին պաշտոնական այցն է Հայաստան: Հղումներ թեմայով. Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին» Նամակի բովանդակությունը հայտնի չէ Փաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նա ՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |