Քաղաքական կուսակցությունների գրանցման և վերահսկողության կարգը կպարզեցվի16 դեկտեմբերի 2016 - 17:07 AMT PanARMENIAN.Net - Ազգային ժողովն արտահերթ նիստում երրորդ և վերջնական ընթերցմամբ ընդունել է «Հայաստանի քաղաքական կուսակցությունների մասին» սահմանադրական օրենքի նոր խմբագրումը, որը պարզեցնում է քաղաքական կուսակցությունների գրանցման և դրանց վերահսկողության կարգը, հայտնում է «Նովոստի-Արմենիան»։ Հայաստանի արդարադատության նախարար Արփինե Հովհաննիսյանը, ներկայացնելով լրացումները, նշել է, որ փոփոխությունները նախատեսված են սահմանադրական բարեփոխումներով և նախագահի որոշմամբ։ Նա նշել է, որ, գործող օրենսդրության համաձայն, կուսակցությունները գրանցման պահին պետք է ունենան առնվազն 200 անդամ և 6 ամսվա ընթացքում նրանց թիվը պետք է հասնի մինչև 2 000-ի։ «Օրենքի նոր տարբերակը նախատեսում է հետևյալ մեխանիզմը` կուսակցություն ստեղծելու մասին որոշումն ընդունվում է 100 մարդուց բաղկացած հիմնադիր համագումարում, որից 6 ամիս անց, այսինքն, կուսակցության գրանցման պահին, անդամների թիվը չպետք է պակաս լինի 800-ից»,– ասել է Հովհաննիսյանը։ Օրենքով նախատեսված է նաև սեռերի հավասարության սկզբունքի սահմանում և հաշմանդամների նկատմամբ խտրականության անթույլատրելիություն։ Նախարարի խոսքով, պարզեցվում է նաև մարզերում ստորաբաժանումների մեկ երրորդի պարտադիր առկայության պահանջը` վեցամսյա ժամկետում երկրի ամբողջ տարածքում դրանց հետագա տարածման պահանջով։ Մասնավորապես, նոր խմբագրման օրենքում կուսակցությունները գրանցման պահին պետք է ունենան մարզային ստորաբաժանումներ մարզերի մեկ երրորդում։ Ընդ որում` խոսքը գնում է ինչպես Երևանի, այնպես էլ երկրի մարզերի մասին։ Նա միաժամանակ նշել է, որ հստակեցվել են նաև գրանցումից հրաժարվելու, գործունեության արգելքի պայմանները և այլ հարցեր։ Օրենքով նաև նախատեսված է, որ քաղաքական կուսակցությունը ստեղծվում է քաղաքացիների նախաձեռնությամբ ոչ պակաս քան 100 մարդու քվորումով հիմնադիր համագումարում։ Այնտեղ ընդունվում են նաև կուսակցության ծրագիրն ու կանոնադրությունը։ Միաժամանակ, պետական ֆինանսավորման համար քաղաքական կուսակցությունը պետք է խորհրդարանական ընտրություններում հավաքի ոչ պակաս քան 3 տոկոս։ Համագումար պետք է անցկացվի տարին առնվազն երկու անգամ։ «Խորհրդարանական ընտրություններում 3–տոկոսանոց արգելքը հաղթահարած բոլոր կուսակցություններին տարեկան կհատկացվի, ընդհանուր առմամբ, 40 մլն դրամ (82 հազար դոլար), ինչը 20-25 մլն դրամով ավելի է, քան նախկինում»,– ասել է Հովհաննիսյանը։ Փոփոխություններով կարգավորվում է պարզեցված համակարգով կուսակցությունների լուծարման և 10 տարվա ընթացքում ընտրությունների չմասնակցելու դեպքում նրանց գործունեության դադարեցման գործընթացը։ Նոր կուսակցություններին կտրամադրվի գրանցման մի տարվա ժամկետ հիմնադիր համագումարի պահից։ Նախատեսվում է նաև կուսակցություններին անդամագրվելու սահմանափակում «ուժայինների» համար։ Կուսակցության գործունեությունը կարող է դադարեցվել, եթե այն օրենքի կոպիտ խախտում է թույլ տվել, մասնավորապես, ֆինանսական հաշվետվության կարգի խախտում, սահմանադրական կարգի բռնի տապալման կոչ է անում։ Հայաստանում գրանցված է 79 կուսակցություն։ Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Առաջարկ. Մեքենայի գույքահարկը տեխզննման պահին վճարել մասնակի Օրենքն ուժի մեջ կմտնի 2025 թվականի հունվարի 1-ից Պետել․ ԼՂ–ում հայկական ներկայության բոլոր հետքերը ջնջելն Ալիևի վարչակարգի նախագիծն է «Ադրբեջանցիներն այժմ գրոհում են կառավարության շենքը»,- գրել է նա Թաթոյան․ Կիրանցը նեղ թերակղզու նմանությամբ գրեթե ամբողջությամբ շրջափակված է լինելու ադրբեջանական զորքերով Արոտավայրերը, այգիները, այլ հողեր հայտնվելու են ադրբեջանական վերահսկողության կամ թիրախի ներքո Մեծ Բրիտանիայի քրիստոնյա առաջնորդները նամակով դիմել են կառավարությանը Հայոց ցեղասպանությունը ճանաչելու կոչով Սունակին ուղղված նամակում նաև անդրադարձ է կատարվում Լեռնային Ղարաբաղում տեղի ունեցած իրադարձություններին |