Ամիրյան. Հայաստանի ազգային կինոկենտրոնը կվերակազմավորվի և կանվանափոխվի26 դեկտեմբերի 2016 - 15:47 AMT PanARMENIAN.Net - Կինոյի ոլորտում սպասվում է կառավարման մոդելի փոփոխություն: Այդ մասին հայտարարել է ՀՀ մշակույթի նախարար Արմեն Ամիրյանն` ամփոփելով ընթացիկ տարվա աշխատանքները և ներկայացնելով 2017-ի անելիքները, հայտնում է Yerkir.am-ը: Ամիրյանը նշել է, որ ըստ նրա` պետք է ստեղծել կինոարտադրող բոլոր ընկերությունների տնօրենների խորհուրդ, որը կղեկավարի մեկը, ով ուղղակի ֆինանսատնտեսական հարցերով կզբաղվի: «Կինոարտադրող ընկերությունների տնօրենները ռոտացիոն սկզբունքով կլինեն ղեկավարներ, որոնք էլ կհամակարգեն ամբողջ ոլորտը: Մենք ուզում ենք ներգրավել արտասահմանյան կինոարտադրողներին նույնպես, ովքեր արտոնյալ կարգավիճակ կունենան` ազատվելով 20 տոկոս հարկից»,- ասել է Ամիրյանը: Ինչ վերաբերում է Հայաստանի ազգային կինոկենտրոնին, ապա, ըստ Ամիրյանի, այն լուծարվելու է` կինոկենտրոնը կվերակազմավորվի և կանվանափոխվի: «Այսօր կա կինոկենտրոն, վաղը չի լինելու այն: Կինոկենտրոնը, ճիշտ է, կարևորագույն դեր է ունեցել կինոյի զարգացման ոլորտում, սակայն ժամանակները փոխվել են, և այժմ պետք է կառավարման նոր ձևեր գտնենք: Մենք շարունակելու ենք գումար տրամադրել կինոարտադրությանը, պետք է ունենանք ֆիլմեր, որոնք կմասնակցեն միջազգային կինոփառատոների»,- ասել է նա: Ամիրյանը տեղեկացրել է նաև, որ «Հայֆիլմը» մասնավորեցման գործընթացում է, և կինոստուդիոյի վերապրեցման համար իրենք ներդրումային ծրագիր են կազմում: Ի դեպ, մշակույթի նախարարությունն ու Հ1-ն ունեն պայմանավորվածություն, որ կինոռեժիսոր Մհեր Մկրտչյանը բազմասերիանոց ֆիլմ կնկարահանի` հենց տարեսկզբից սկսած: Ըստ նախարարի` լինելու է ֆիլմ, որը բոլորն են սիրելու: Ամիրյանն անդրադարձել է նաև թանգարանների ոլորտին` նշելով, որ 2017-ին ՀՀ-ում կբացվեն Տիկնիկների թանգարան, որտեղ կլինեն և՛ ազգային, և՛ տարբեր ազգերի տիկնիկներ, նաև Գորգի, Լուսանկարչության, նաև՝ Ջրասուզակների թանգարաններ: Նախարարը հայտնել է նաև, որ առաջիկայում մասնավորի հետ համագործակցելով՝ նախարարությունը կստեղծի նոր գրախանութներ և գրադարաններ, որոնք կդառնան ընտանեկան հանգստի կենտրոններ: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |