Նարեկ Հախնազարյանը երկրպագուի շնորհիվ Գվարներիի գործիքով է նվագում 27 դեկտեմբերի 2016 - 17:14 AMT PanARMENIAN.Net - Աշխարհահռչակ թավջութակահար, Չայկովսկու անվան XIV միջազգային մրցույթի դափնեկիր Նարեկ Հախնազարյանն արդեն մեկուկես ամիս նվագում էՋուզեպե Գվարներիի 1707 թվականի պատմական գործիքով: Թավջութակը Նարեկին է հանձնել Կանադայում բնակվող մի չինացի, որը երաժշտի երկրպագուներից է: Պայմանագիրը նախնական կնքվել է երեք տարով, հայտնում է Panorama.am-ը: «Մեծ իրադարձություն է իմ պրոֆեսիոնալ կյանքում: Երազանք է յուրաքանչյուր երաժշտի համար նման գործիք ունենալը: Լեգենդար, ֆանտաստիկ գործիք է: Մեծ պատիվ է ինձ համար այդ գործիքով հանդես գալը»,- լրագրողների հետ հանդիպմանն ասել է Նարեկ Հախնազարյանը: Նա նշել է, որ վերջին տարիներին անընդհատ հովանավորներ, հիմնադրամներ էր փնտրում, ովքեր իրեն կտրամադրեին լավ գործիք: «Երեք տարի նվագեցի ժամանակակից, միջին մակարդակի գործիքի վրա: Ծանր է, երբ ուզում ես իրագործես երաժշտական միտքդ, բայց գործիքը չի թույլ տալիս: Գվարներիի գործիքով հնարավորությունները, հորիզոններն անվերջ են»,- ասել է թավջութակահարը: Խոսելով առաջիկա համերգների մասին` Հախնազարյանն ասել է, որ հունվարին ելույթ է ունենալու Ամստերդամի, այնուհետև Բեռլինի հանրահայտ համերգասրահներում: Նա նշել է, որ Երևանում տարվա ընթացքում նույնպես կունենա համերգ: Նարեկն ասել է, որ երբ մի երկրից մյուսն է գնում համերգների, ինքնաթիռի երկու տոմս է գնում՝ իր և թավջութակի համար. «Իմ գործիքն իմ ընկերն է, ընկերուհին է, մտերիմ մարդ է»: Նարեկ Հախնազարյանը ծնվել է 1988 թ.-ն Երևանում: Ավարտել է Մոսկվայի պետական կոնսերվատորիան և կարճ ժամանակահատվածում դարձել միջազգային չափանիշի երաժիշտ: «Վաշինգթոն փոսթ» թերթը նրան անվանել է ֆենոմենալ թավջութակահար: Նարեկ Հախնազարյանը մասնակցել է բազմաթիվ միջազգային մրցույթների և ամենուր արժանացել բարձր գնահատանքի: Նա ելույթներ է ունեցել ԱՄՆ-ում՝ Լոս Անջելեսում, Բոստոնում, Նյու Յորքում, Ֆլորիդայում, ինչպես նաև Տոկիոյում, Լոնդոնում, Փարիզում, Վիեննայում, Մոսկվայում, Երեւանում եւ աշխարհի այլ մայրաքաղաներում։Այժմ Հախնազարյանը Փասադենայի սիմֆոնիկ նվագախմբի մենակատարն է: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |