Նախարար. Հայկական ԶՈւ-ն լիովին վերահսկում է իրավիճակը սահմանին11 փետրվարի 2017 - 15:41 AMT PanARMENIAN.Net - Հայկական Զինված ուժերը լիովին վերահսկում են իրավիճակը սահմանին: Այդ մասին լրագրողների հետ զրույցում հայտարարել է պաշտպանության նախարար Վիգեն Սարգսյանն` անդրադառնալով վերջին օրերին լարվածության աճին: «Բոլորը պետք է իմանան, որ իրավիճակը լիովին վերահսկվում է: Որևէ մեկը թող չմտածի, որ այս խախտումները կարող են հուսահատեցնել կամ լարումը հասցնել այն աստիճանի, որ մենք երկնչենք մեր գործը կատարելուց», - ասել է Վիգեն Սարգսյանը, հայտնում է Aysor.am-ը: Պաշտպանության նախարարը նշել է, որ փետրվարի 10-ին եղել է Տավուշի սահմանամերձ գյուղերում և Նոյեմբերյանի գնդում: «Մեր զինվորները՝ որպես անկախության տարիներին ծնված ու մեծացած սերունդ, փայլում են իրենց ոգով, նվիրվածությամբ ու համոզվածությամբ, որ իրենց կատարած գործը անհրաժեշտ է բոլորիս», - ասել է Վիգեն Սարգսյանը: Նա հորդորել է ` կուլ չգնալ ադրբեջանական ապատեղեկատվությանը ու սահմանային իրավիճակին հետևել ՊՆ և ՊԲ պաշտոնական հաղորդագրություններով: Ադրբեջանի պաշտպանության նախարարությունը փետրվարի 10-ին հերթական ապատեղեկատվությունն է տարածել, թե իբր փետրվարի 9-ի երեկոյան ոչնչացվել է ղարաբաղյան զինված ուժերին պատկանող տրանսպորտային միջոց՝ իր անձնակազմով: Այս մասին հաղորդել է ԼՂՀ ՊՆ-ն՝ հայտարարելով, որ նշված հաղորդագրությունն իրականության հետ ոչ մի կապ չունի: «ՊՆ-ն երբեք գաղտնի չի պահում այն իրավիճակը, որը կա: Յուրաքանչյուր անգամ, երբ լինում են զինադադարի խախտումներ, դրանց մասին շատ բաց խոսվում է` նշելով, թե խախտումների քանակը, թե կիրառված միջոցները», - ասել է պաշտպանության նախարարը: Ավելի վաղ հաղորդվել է, որ փետրվարի 9-ին և լույս 10-ի գիշերը ղարաբաղա-ադրբեջանական հակամարտ զորքերի շփման գծում արձանագրվել է հակառակորդի կողմից հրադադարի պահպանաման ռեժիմի խախտումների աճ: Նշված ժամանակահատվածում հակառակորդը 60 և 82 միլիմետրանոց ականանետերից, տարբեր տիպի նռնականետերից ու հրաձգային զինատեսակներից հրադադարի պահպանման ռեժիմը խախտել է մոտ 70 անգամ՝ հայ դիրքապահների ուղղությամբ արձակելով ավելի քան 1000 կրակոց: Հղումներ թեմայով. Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը Հնդկաստանի ԱԳՆ–ն՝ Բաքվին․ Խթանում ենք ռազմարդյունաբերական արտադրանքի արտահանումը Նա նշել է, որ իր երկիրը լավ հարաբերություններ ունի և Ադրբեջանի, և ՀՀ հետ |