Բարեգործական ակցիայի մասնակից հաղթողները կհրավիրվեն «Խոստում» ֆիլմի հոլիվուդյան պրեմիերային17 մարտի 2017 - 16:21 AMT PanARMENIAN.Net - Հայտնի ռոք երաժիշտ, System of a Down խմբի մենակատար Սերժ Թանկյանը Հայոց ցեղասպանության մասին առաջին հոլիվուդյան «Խոստում» ֆիլմի ստեղծողների հետ համատեղ բարեգործական ակցիա է կազմակերպել ֆիլմի պրեմիերային ընդառաջ: «Ցանկանում ենք հրավիրել ձեզ «Խոստում» ֆիլմի առաջին ցուցադրությանը: Դուք կհանդիպեք ինձ, Քրիս Քորնելին, Քրիստիան Բեյլին, կանցնեք կարմիր ուղեգորգով, կայցելեք VIP երեկույթը: Ավիատոմսերն ու հյուրանոցը մենք վերցնում ենք մեզ վրա: Ուրեմն ի՞նչ...միանո՞ւմ եք»,-գրել է Թանկյանն իր ֆեյսբուքյան էջում: Մրցույթին մասնակցելու համար ցանկացողները պետք է որոշակի գումար նվիրաբերեն և համապատասխան տոմսակ ստանան՝ խաղարկությանը մասնակցելու համար: Ակցիան անցկացվում է Հայ ընդհանուր բարեգործական միության (The Armenian General Benevolent Union - AGBU) հետ համատեղ Omaze.com առցանց ծառայությունում: Նշվում է, որ ամբողջ գումարը կուղղվի Սիրիայի և Իրաքի պատերազմներից տուժած և հակամարտության գոտիներում ապրող հազարավոր հայ ընտանիքներին: Հաղթողներն անվճար ավիատոմս կստանան դեպի Լոս Անջելես և 4-աստղանի հյուրանոցում բնակվելու հնարավորություն, ինչպես նաև «Խոստում» ֆիլմի առաջին ցուցադրության հրավիրատոմս լեգենդար Grauman կինոթատրոնում: Հրավիրյալները կկարողանան հանդիպել նաև Անժելա Սարաֆյանին և ֆիլմի ռեժիսոր Թերի Ջորջին: «Խոստում» ֆիլմի ռեժիսորն է օսկարակիր Թերի Ջորջը: Ֆիլմի գլխավոր դերակատարներն են Քրիստիան Բեյլը և Օսկար Այզեքսը: Ֆիլմը ներկայացնում է սիրո պատմություն, որը տեղի է ունեցել Հայոց ցեղասպանության օրերին: Tracinda կորպորացիան, որը պատկանում էր ամերիկահայ Քըրք Քըրքորյանին, ստեղծել էր Survival Pictures անվանումով պրոդյուսերական կենտրոն, որի առաջին ձեռնարկը հենց այս ֆիլմն է եղել: Հղումներ թեմայով. Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին» Նամակի բովանդակությունը հայտնի չէ Փաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նա ՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |