Ամիրյան. «Գայանե» բալետի տապալումը խայտառակություն էր՝ մեղավորները պատասխան են տվել20 հունիսի 2017 - 17:01 AMT PanARMENIAN.Net - «Գայանե» բալետի տապալումը խայտառակություն էր ու սադրանք, որի մեղավորներն արդեն իսկ համապատասխան պատասխանատվության են ենթարկվել: Այդ մասին հայտարարել է ՀՀ մշակույթի նախարար Արմեն Ամիրյանն «Ազատության» ֆեյսբուքյան ասուլիսի ժամանակ: «750 հանդիսատես կար, որոնց մեծ մասն արտասահմանից էր: Գեղարվեստական ղեկավար և տնօրեն Օրբելյանն իր միջոցների հաշվին հրավիրել էր գործակալների, որոնք ներկայացումը պիտի դիտեին արտասահմանյան շրջագայման համար: Սա լուրջ տապալում էր», - ասել է նա, հայտնում է Aysor.am-ը: Նախարարի խոսքով՝ վարչական անձնակազմի 10 աշխատակից, այդ թվում 3 փոխտնօրեն, բացատրագրեր են գրել. «Փոխտնօրեններից մեկը՝ Նարեկ Անտոնյանը, աշխատանքից հեռացման դիմում էր գրել՝ մեղքն իր վրա վերցնելով: Նրանք, ովքեր նվագախմբի համար նախատեսված տեղում չէին եղել, խիստ նկատողություն են ստացել և ընթացիկ հավելավճարներից զրկվել», - ընդգծել է Ամիրյանը: Նրա խոսքով՝ բալետի համար խիստ կարգ ու կանոն է հաստատված և արդեն 2-րդ օրն է՝ ներկայացումը սկսվում է ամենաուշը ժամը 19:01-ին: «Վստահ եմ, որ նման բան չի կրկնվի», - եզրափակել է նա: Հունիսի 8-ին օպերայի և բալետի ազգային ակադեմիական թատրոնում «Գայանե» բալետի ներկայացումը տապալվել է: Նվագախումբը բեմ դուրս չի եկել: «Նվագախմբի անդամները բացատրագրեր են գրել,որոնք ավելի ուշ կներկայացվեն հանրությանը: 1160 հանդիսատեսի առաջ դուրս չգալը տեղի է ունեցել անհիմն պատճառներով: Ավելի վաղ 583 աշխատակցից 10 հոգի վարչական մասից ստացել էր ծանուցում կրճատման մասին, հնարավոր է բողոքը կապված է դրա հետ», ասել էր օպերայի և բալետի ազգային ակադեմիական թատրոնի մամուլի խոսնակ Վահագն Գասպարյանը: Ընթերցեք նաև.Օրբելյանը չի հասկանում, թե ինչու է տապալվել «Գայանե» բալետը Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |