Սաակաշվիլին Վրաստանում հեռակա դատապարտվել է 3 տարվա ազատազրկման 5 հունվարի 2018 - 13:52 AMT PanARMENIAN.Net - Թբիլիսիի քաղաքային դատարանը երեք տարվա ազատազրկման է դատապարտել Վրաստանի նախկին նախագահ Միխայիլ Սաակաշվիլիին: Այս մասին հայտնում է Վրաստանի հանրային հեռուստաընկերությունը: Սաակաշվիլին մեղավոր է ճանաչվել պաշտոնական դիրքի չարաշահման համար՝ բարձրաստիճան մի քանի պաշտոնյաների ներում շնորհելու վերաբերյալ գործով: Ըստ գործի նյութերի՝ երկրի նախկին նախագահը ապօրինաբար խոստացել է ներում շնորհել Միավորված բանկի աշխատակից Սանդրո Գիրգվլիանիի սպանության մեջ մեղավոր ճանաչված ոստիկաններին: Այնուհետև շրջանցելով համաներման հանձնաժողովին՝ ներել է Գերոնտի Ալանիային, Միխայիլ Բիբիլուրիձեին, Ավթանդիլ Ափցիաուրիին և Ալեքսանդր Գաչավային, ստեղծել դատապարտյալների վաղաժամկետ ազատման իրավական լծակ: Ռուսաստանյան «Կոմերսանտը» գրում է, որ Սահակաշվիլին սպանության համար դատապարտվածներին վաղաժամ ազատություն է տվել՝ փոխարենը պահանջելով լռել այն մասին, որ Գիրգվլիանիի սպանությունը կազմակերպված է եղել երկրի ներքին գործերի նախարարության և այն ժամանակ նախագահ Սահակաշվիլիին մոտ կանգնած օղակների կողմից: 28-ամյա Սանդրո Գիրգվիլիանին ընկերոջ՝ Լևան Բուխաիձեի հետ 2006-ի հունվարի 28-ին այցելել էր Թբիլիսիի կենտրոնում գտնվող բարը, որտեղ էին նաև ոստիկանության բարձրաստիճան պաշտոնյաներ, Վանո Մերաբիշվիլիի տիկինը՝ Տակո Սակալայան: Գիրգվիլիանիի և նշված անձանց միջև վեճ էր բռնկվել, որից հետո նրան տարել էին անտառ, ծեծի ենթարկել ու տանջամահ արել: Սպանությունը քաղաքական սկանդալի պատճառ էր դարձել Վրաստանում. ընդդիմությունը պահաջել էր ազատել պաշտոնից Մերաբիշվիլիին, որը ճնշում էր գործադրում քննության վրա, սակայն Սաակաշվիլին հրաժարվել էր պատժել նախարարին: Երբ Սաակաշվիլիի ու Մերաբիշվիլիի կուսակցությունը պարտվեց 2012-ի խորհրդարանական ընտրություններում, Գիրգվիլիանիի գործով անցնողներից շատերը փախան արտերկիր, սակայն ավելի ուշ արտահանձնվեցին: Վանո Մերաբիշվիլին արդեն պատիժ կրում է այլ իրավախախտումների համար, որոնք կատարել էր իշխանության շարքերում լինելու ժամանակ: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Թաթոյան․ Կիրանցը նեղ թերակղզու նմանությամբ գրեթե ամբողջությամբ շրջափակված է լինելու ադրբեջանական զորքերով Արոտավայրերը, այգիները, այլ հողեր հայտնվելու են ադրբեջանական վերահսկողության կամ թիրախի ներքո Մեծ Բրիտանիայի քրիստոնյա առաջնորդները նամակով դիմել են կառավարությանը Հայոց ցեղասպանությունը ճանաչելու կոչով Սունակին ուղղված նամակում նաև անդրադարձ է կատարվում Լեռնային Ղարաբաղում տեղի ունեցած իրադարձություններին Ֆրանսահայ լրագրող Նիկոլյանը, որի մուտքը ՀՀ արգելվել է, չի պատրաստվում դադարեցնել հացադուլը Նա պահանջում է, որ իրեն գրավոր ներկայացնեն, թե ինչու իրեն թույլ չեն տալիս մուտք գործել Հայաստան Վանաձորի նախկին ղեկավար Ասլանյանը կմնա կալանքի տակ Դատարանը մերժել է միջնորդությունը |