Բրեդ Փիթը մտադիր էր $120.000 վճարել «Գահերի խաղը» Դեյեներիսի հետ դիտելու համար 8 հունվարի 2018 - 16:18 AMT PanARMENIAN.Net - Դերասան Բրեդ Փիթը բարեգործական աճուրդում փորձել է գնել «Գահերի խաղի» սերիաներից մեկը Էմիլիա Քլարկի հետ դիտելու իրավունքը, որը կազմակերպել էր Շոն Փենը: Աճուրդը կայացել է հունվարի 6-ին Լոս Անջելեսում: Դեյեներիս Տարգարիենի դերը ֆիլմաշարում կատարած դերասանուհու հետ «Գահերի խաղի» մեկ սերիան դիտելու իրավունք տվող լոտի մեկնարկային գինը եղել է 20.000 դոլար: Փիթն առաջարկել է 80.000 դոլար, իսկ հետո բարձրացրել մինչև 90.000 դոլար, գրում է Meduza-ն Variety-ի վրա հղումով: Պարբերականը նշում է, որ աճուրդի ժամանակ դահլիճում ինչ-որ մեկը բացականչել է. «Իսկ Հյուսիսի արքան այստե՞ղ է»: Սակայն, հենց այդ պահին Ջոն Սնոուի դերակատար Քիթ Հարինգթոնը դուրս էր եկել դահլիճից: Վերադառնալով՝ նա առաջարկել է միանալ Քլարկին՝ այժմ լոտն առաջարկում էր դիտել «Գահերի խաղը» 2 գլխավոր դերակատարների հետ միասին: Դրանից հետո Փիթն էլ ավելի բարձրացրեց դրույքը՝ մինչև 120.000 դոլար: Ինչպես հայտնել է US Weekly-ի աղբյուրը, դերասանն արդեն ուրախ-ուրախ բարձրացրել էր ձեռքը, երբ աճուրդի անհայտ մասնակիցը 150.000 դոլար առաջարկեց: Արդյունքում լոտը վաճառվեց 160.000 դոլարով, սակայն, հյատնի չէ թե ում: Փիթը հավանություն տվեց գնորդին ծափահարություններով: Ավելի ուշ աճուրդում Դի Կապրիոն 80.000 դոլար առաջարկեց ամերիկացի նկարիչ Ջոշ Սմիթի կտավի համար, սակայն Էմիլիա Քլարկը վճարեց 90.000 դոլար: Սմիթի մեկ այլ կտավը բաժին ընկավ ԴիԿապրիոյին: Գումարը կփոխանցվի J/P HRO ոչ կոմերցիոն կազմակերպությանը, որը օգնում է Հաիթիի բնակիչներին: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |