Գերմանիայում 6 մարդու սպանած բուժակին ևս 97 մարդու մահվան մեջ են մեղադրել

23 հունվարի 2018 - 17:32 AMT

PanARMENIAN.Net - Գերմանիայում բուժակ աշխատող Նիլս Հեգելին, որը ցմահ ազատազրկում է կրում հիվանդների սպանության համար, մեղադրանք է ներկայացվել ևս 97 մարդու սպանելու համար:

Գերմանական Օլդենբուրգի դատախազությունը կարծում է, որ 41-ամյա տղամարդը 62 հիվանդի է սպանել քաղաքի հիվանդանոցում և ևս 35-ին հարևան Դելմենհորսթի բուժհաստատությունում: Ըստ դատախազի, Հեգելը վերակենդանացման բաժանմունքի հիվանդներին կյանքի համար վտանգավոր չափաբաժիններով դեղամիջոցներ է ներարկել՝ «ցույց տալու համար իր աշխատակիցներին ու պետերին մարդկանց կյանքի վերադարձնելու իր ունակություններն ու ձանձրույթի դեմ պայքարելու համար»: Մարդկանց կյանքը փրկելու համար նրան նույնիսկ «փրկարար Ռեմբո» են անվանել, գրում է Lenta.ru-ն Nordwest-Zeitungշ-ի վրա հղումով:

Բուժակն օգտագործել է սրտի առիթմիա և հիպոտոնիա առաջացնող դեղամիջոցներ, հետո աշխատել է վերակենդանացնել հիվանդներին, սակայն դա միշտ չէ, որ ստացվել է:

Նա աշխատել է հիվանդանոցներում 1999-2005 թթ.: Ըստ քննության, առաջին սպանությունը նա կատարել է 2000-ին Օլդենբուրգում, որտեղ Հեյգելին ոչ մի անգամ չեն բռնել, սակայն սկսել են կասկածել և ազատել են աշխատանքից: Բայց լավ կարծիք են գրել նրա մասին և նա տեղավորվել է Դելմենհոլսթի հիվանդանոցում, որտեղ շարունակել է սպանությունները: Հանցագործության վայրում նրան բռնել են միայն 2005-ին:

2008-ին և 2015-ին նրան դատապարտել են սպանության և սպանության փորձի 6 դեպքի համար: 2017-ի նոյեմբերին հայտնի դարձավ, որ Հեգելը կարող է մեղսկից լինել 97 մարդու սպանության:

Հղումներ թեմայով.

Lenta.ru: Медбрата-душегуба из Германии обвинили в 97 убийствах