Ռուստամյան. ՄԽ-ն նոր խնդիր ունի՝ բանակցելի դարձնել Ադրբեջանին12 փետրվարի 2018 - 16:47 AMT PanARMENIAN.Net - ԵԱՀԿ Մինսկի խմբի համանախագահների վերջին հայտարարության մեջ հասցեականություն կար: Այդ մասին հայտարարել է ՀՅԴ խմբակցության ղեկավար Արմեն Ռուստամյանը՝ մեկնաբանելով համանախագահների՝ ԼՂ հակամարտության կողմերին ուղղված կոչը՝ ձեռնպահ մնալ բորբոքային հայտարարություններից և սադրիչ գործողություններից: Նրա խոսքով՝ ՄԽ համանախագահները շատ թարմ հետքերով եկան. մի քանի օր առաջ Ադրբեջանի նախագահ Իլհամ Ալիևը բարձր ամբիոնից, նախագահ դառնալու հավակնություն հանդես բերելով, իրեն բնորոշ հոխորտացող հայտարարություններով հանդես եկավ, գրում է Panorama.am-ը: «Մինսկի խումբն ունի երկու խնդիր՝ մեկը, որ ասում էինք, պետք է բանակցություններում ընդգրկվի նաև ղարաբաղյան կողմը, հիմա ունի երկրորդ խնդիր՝ բանակցելի դարձնել Ադրբեջանին, այսինքն՝ բերել իրական բանակցությունների սեղան: Ադրբեջանը այսպիսի հայտարարություններով, պահվածքով՝ մի բան ասել բանակցությունների ժամանակ, հետո գնալ, այլ ուղղությամբ պատրաստել երկիրն ու ժողովրդին, ուղղակի անբանակցելի կողմ է դարձել, և այս ձևով բանակցությունները շարունակել հնարավոր չէ»,- ասել է նա: Ռուստամյանը մանրամասնել է՝ խոսքն այստեղ առնվազն բանակցելու նորմալ միջավայր ստեղծելու մասին է, որը միջնորդների հիմնական հանձնառությունն է, նրանք պետք է ստեղծեն միջավայր: ՀՅԴ խմբակցության ղեկավարը ընդգծել է՝ ի տարբերություն Ադրբեջանի ցանկությունների՝ Հայաստանում չեն ասում, թե համանախագահները կողմերից մեկին պիտի պաշտպանեն, նրա համար ընդունելի հայտարարություններ անեն: Պատգամավորը նշել է, որ ԵԱՀԿ ՄԽ վերջին՝ անթաքույց հայտարարության մեջ խոսվում է Ալիևի ամպագոռգոռ հայտարարությունների մասին, քանի որ առնվազն այս ընթացքում Հայաստանից ոչ ոք չի լսել նման հոխորտացող հայտարարություններ: «Ադրբեջանական կողմը մնում է անսասան, կոշտ, անիմաստ ու անհեռանկար, այսինքն՝ բանակցությունների խափանող հիմնական գործոնը այսօր դարձել է Ադրբեջանը՝ իր վարչակազմով»,- ասել է նա: ԵԱՀԿ Մինսկի խմբի համանախագահները հայտարարություն են տարածել տարածաշրջանային այցի և Հայաստանի ու Ադրբեջանի նախագահների հետ հանդիպումների արդյունքների վերաբերյալ։ Համանախագահները խորը մտահոգություն են հայտնել շփման գծում վերջերս գրանցված մարդկային զոհերի վերաբերյալ: Նրանք կոչ են արել կողմերին լրացուցիչ քայլեր ձեռնարկել լարվածությունը նվազեցնելու և հրադադարի ռեժիմը պահպանեկու ուղղությամբ, ինչպես որ պայմանավորվել են Ժնևում: Համանախագահները կողմերին կոչ են արել նաև զերծ մնալ սադրիչ հայտարարություններից և գործողություններից: Հղումներ թեմայով. Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է Թունյան․ Ադրբեջանից գազ գնելու հարց այս պահին չկա օրակարգում Ըստ նրա՝ Հայաստանի կամ որևէ այլ երկրի համար տարբերություն չկա, թե որտեղից կգնի իր էներգառեսուրսը ՀՀ–ն կգործակցի Իտալիայի հետ ռազմական, ռազմատեխնիկական ոլորտներում․ Կան պայմանավորվածություններ Այցը տեղի է ունեցել ապրիլի 23-25-ը Բողոքի ակցիա՝ Բեռլինում «Ալիևին՝ Հաագա» վանկարկումով Ակցիայի մասնակիցները նաև ծածանել են Արցախի Հանրապետության դրոշը |