// IP Marketing video - START// IP Marketing video - END

ՀՀ-ին առաջարկել են սկսել վաճառել քաղաքացիությունն $50.000-ով

ՀՀ-ին առաջարկել են սկսել վաճառել քաղաքացիությունն $50.000-ով

PanARMENIAN.Net - Golden Visa ծրագիրն իրականացնող Arton Capital ընկերությունն առաջարկել է ՀՀ իշխանություններին են սկսել վաճառել հայկական անձնագրերը՝ սկսած $50.000-ից։

Այս մասին է գրում Կազմակերպված հանցագործության և կոռուպցիայի հետազոտության կենտրոնը (OCCRP), նշելով, որ ՀՀ անձնագիրն ամենացածր գինն ունի Արևելյան Եվրոպայի երկրների շարքում: Զեկույցում ասվում է, որ չնայած անձնագրի ցածր գնին, պետությունը կարող էր այս ծառայություններով $138 մլն-ի եկամուտ ունենալ 6 տարում:

Առաջարկվում էր իրականացնել 2 ծրագիր՝ ուղղակի վճարում պետությանը $50.000 չափով կամ կառավարության ընտրված հիմնադրամ մինչև $100.000 ներդրման իրականացում՝ որոշակի եկամուտների ակնկալիքով։

Զեկույցում նշվում է, որ չնայած Հայաստանը կանգնած է տնտեսական մի շարք մարտահրավերների առջև, ինչպես օրինակ՝ Ադրբեջանի և Թուրքիայի կողմից տնտեսական շրջափակումն է, կոռուպցիան և ՀՆԱ ցածր մակարդակը, այնուամենայնիվ այն տարբեր խողովակներով կապվում է համաշխարհային տնտեսությանը և ռազմավարական նշանակություն ունեցող շուկաներին:

«ՀՀ-ին հասանելի է ՌԴ-ի և հետխորհրդային երկների 250 միլիոն սպառողով շուկաներին, սրան գումարած 82 մլն-անոց միջինասիական շուկան: Շենգեն գոտու երկրները հնարավոր է՝ ազատականացնեն վիզայի ռեժիմը ՀՀ-ի հետ մերձակա յոթ տարում, այս պարագայում այն կարող է հավակնել Մետաքսե ճանապարհի իր պատմական դերի վերականգնմանը», - նշվում է Arton Capital զեկույցում:

Այլ երկրներում Golden Visa ունենալու համար մարդիկ պետք է վճարեն €100,000-ից սկսած, իսկ գերզարգացած երկների քաղաքացի դառնալու համար ծախսերը կարող են մինչև €10 մլն հասնել: Ծրագիրը թույլ է տալիս որևէ երկրի քաղաքացիություն ձեռք բերել գումարի դիմաց: Նման ծառայություն է մատուցվում աշխարհի ավելի քան 20 երկրում:

 Ուշագրավ
Մուկեշ Ամբանին համարվում է Ասիայի ամենահարուստ մարդկանցից մեկը, նրա կարողությունը գնահատվում է 44.3 մլրդ դոլար
Հայաստանը 68-րդ հորիզոնականն է զբաղեցնում աշխարհի նորարար տնտեսությունների վարկանիշում
Հայկական պատվիրակությունը մեկնելու է Թեհրան