Լրագրողների պաշտպանության կոմիտե. Ադրբեջանում թրոլերին ուղղորդում է նախագահի օգնականը10 ապրիլի 2018 - 16:52 AMT PanARMENIAN.Net - ԱՄՆ-ում տեղակայված Լրագրողների պաշտպանության կոմիտեն վերջին շրջանում արդեն 2-րդ անգամ է քննադատական հոդվածով անդրադառնում Ադրբեջանում խոսքի ազատության և լրագրողների իրավունքների խախտումներին: Հոդվածի հեղինակ Գյուլնոզա Սաիդը շեշտը դնում է այն հանգամանքի վրա, որ իշխանությունների ռազմավարությունն այդ հարցում մշակում և իրականացնում է նախագահի օգնական Ալի Հասանովը: Այդ ռազմավարության բաղկացուցիչ մասն է քննադատող ձայների լռեցումը, կայքերի արգելափակումը, հաքերային գրոհները, թրոլերի կողմից պատվիրված հոդվածների տպագրումը: Այդ ամենը շարունակվում է նաև ապրիլի 11-ին կայանալիք նախագահական ընտրությունների շեմին, գրում է Contact.az-ը: 2017-ի մարտին Ադրբեջանի խորհրդարանը փոփոխություններ կատարեց տեղեկատվության պաշտպանության մասին օրենքում, որոնք թույլ են տալիս առանց դատարանի որոշման կայքեր արգելափակել: Ադրբեջանում լուրջ խնդիր են թրոլերն ու հաքերային հարձակումները՝ իշխանությունների ցուցումով: Թրոլերը հատկապես ակտիվանում են, երբ սոցցանցերում Ալի Հասանովին քննադատող նյութեր են հայտնվում: Հասանովը մերժում է իր մասնակցությունը թրոլերի գործունեությանը, սակայն հաջորդ օրն Ադրբեջանում ԱՄՆ դեսպան Ռիչարդ Կոզլարիչը մեղադրեց Հասանովին կառավարամետ մամուլում իր դեմ արշավ կազմակերպելու մեջ: «5 տարի առաջ դու էիր զրպարտության արշավ կազմակերպել իմ դեմ կառավարամետ մամուլում»,-գրել է Կոզլարիչն իր Twitter-ում: Ադրբեջանում արգելափակվել են «Ազատություն» ռադիոկայանի ադրբեջանական ծառայության, Մեյդան ՏՎ-ի, «Ազադլիգ» թերթի կայքերը, Turan TV-ի առցանց ռեսուրսը: Բոլոր այդ ռեսուրսներն այժմ գործում են արտերկրում և իշխանությունները չեն կարող փակել դրանք, սակայն, մեղադրում են ծայրահեղականության մեջ: Իսկ նման մեղադրանքների համար հիմք են ծառայել իշխանության վերնախավին կոռուպցիայի մեջ մեղադրելը: Ադրբեջանի իշխանություններն արգելեփակել են կոռուպցիայի դեմ պայքարող միջազգային լրագրողական OCCRP նախագծի կայքը, «Ադրբեջանական լանդրոմատի» մասին հրապարակումներից հետո: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին» Նամակի բովանդակությունը հայտնի չէ Փաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նա ՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |