Ոչ վավեր անձնագրով քաղաքացիները հնարավոր է չմասնակցեն ընտրություններին

Ոչ վավեր անձնագրով քաղաքացիները հնարավոր է  չմասնակցեն ընտրություններին

PanARMENIAN.Net - Անձնագրի վավերականության ժամկետը չերկարաձգած քաղաքացիները կարող է դուրս մնալ ընտրական ցուցակներից՝ զրկվելով ընտրություններին մասնակցելու իրավունքից: Այս մասին հայտարարել է ՀՀ վարչապետի որոշմամբ ստեղծված Ընտրական օրենսդրության բարեփոխումների հանձնաժողի քարտուղար,«Իրազեկ քաղաքացիների միավորում» խորհրդատվական-հասարակական կազմակերպության ծրագրերի համակարգող Դանիել Իոաննիսյանը:

Նրա խոսքով, ներկայում 198.000 քաղաքացի վավերականության ժամկետը լրացած անձնագիր ունի. նրանց մեծ մասը Հայաստանում չի բնակվում:

«Եթե այս առաջարկն ընդունվի, ապա ընտրացուցակներչը բավականին կմաքրվեն, և մարդիկ, որոնք չեն մասնակցում ընտրություններին, դուրս կգան ընտրացուցակներից», - ասել է Իոաննիսյանը:

Քննարկվում է նաև քվեարկության ընթացքում գրչի կիրառությունը հանելու հարցը. ընտրողն առանց որևէ նշումի պետք է ծրարի մեջ դնի իր նախընտրած քաղաքական ուժի թերթիկը:

Ավելի վաղ, ՀՀ վարչապետ Նիկոլ Փաշինյանի որոշմամբ ընտրական օրենսդրության բարեփոխումների համար հանձնաժող է ստեղծվել: Քննարկումներին միանալու ցանկություն են հայտնել նաև ՀՀ ԱԺ խորհրդարանական 4 ուժը, որոնք ձևավորել են աշխատանքային խումբ` յուրաքանչյուր խմբակցությունը ներկայացնող քաղաքական ուժից երեքական ներկայացուցիչ ձևաչափով:

 Ուշագրավ
Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները
Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար
Ամփոփվել են միասնական քննությունների առաջին փուլի արդյունքները
Հաջորդ հումանիտար բեռը նախատեսվում է տրամադրել Խարկովի հիվանդանոցներից մեկին
---