ՀՀԿ-ն ԱԺ լուծարումը կանխող նախագիծ է փորձում անցկացնել 2 հոկտեմբերի 2018 - 15:08 AMT PanARMENIAN.Net - ԱԺ «Հանրապետական» խմբակցության պատգամավորներ Արփինե Հովհաննիսյանը, Վահրամ Բաղդասարյանը և Անդրանիկ Հարությունյանը խորհրդարանի կողմից երկրորդ անգամ վարչապետ չընտրելու դեպքում ԱԺ լուծարումը խոչընդոտող նախագիծ են մշակել: Այն հոկտեմբերի 2-ին քննարկվել է երկրորդ ընթերցմամբ: Նախագծի համաձայն՝ եթե ԱԺ նիստին պատգամավորների մասնակցությունը խոչընդոտվում է և նիստը չի կայանում կամ էլ նիստը իրավազոր է, բայց պատգամավորների մի մասը չի կարողանում դրան մասնակցել, այդ դեպքում նիստը վարողն իրավունք ունի ընդհատել նիստը՝ հայտարարելով, որ կան խոչընդոտներ: Հարակից զեկուցող կառավարության ներկայացուցիչը՝ արդարադատության նախարարի առաջին տեղակալ Արթուր Հովհաննիսյանը քննադատել է ՀՀԿ-ական պատգամավորների գործելաոճը, քանի որ վերջիններս նախագծի երկրորդ ընթերցման անվան տակ կարևոր փոփոխություններ են անում ու փորձում արագ անցկացնել: «Հնչեցվեց նոր առաջարկություն, որի թղթային տարբերակը մեզ հասանելի դարձավ երեկ երեկոյան: Ամբողջությամբ պատրաստվել և դիրքորոշում հայտնել կառավարությունը հնարավորություն չունեցավ: Այստեղ, փաստորեն, նույն մեխանիզմն է գործում, ինչ նախկին կառավարությունն էր անում՝ նախագծերը բերում և հանձնաժողովներում առաջինից երկրորդ ընթերցման արանքում փոփոխություններ էր անում արագ, ու պատգամավորները մշտապես բողոքում էին, որ չեն կարողանում արտահայտել իրենց դիրքորոշումը, իսկ հիմա, փաստորեն, կառավարությունն է ընկել այդ նույն դրության մեջ», - ասել է փոխնախարարը: Այս փոփոխությունը չի արժանացել կառավարության հավանությունը: Ըստ Արթուր Հովհաննիսյանի՝ ՀՀԿ-ական պատգամավորների առաջարկն ունի քաղաքական դրդապատճառներ, քանի որ առաջարկը վերաբերում է բացառապես ԱԺ-ի կողմից երկորդ անգամ վարչապետ չընտրելու արդյունքում իրավունքի ուժով ԱԺ-ն ցրելու պրոցեսը կանխելուն: «Առաջարկը վերաբերում է հետևյալ իրադրությանը. երբ ԱԺ-ի կողմից երկրորդ անգամ վարչապետի ընտրություններ լինեն, և, փաստորեն, ինչ-ինչ պատճառներով խոչընդոտվի պատգամավորների քվեարկությունը, և դրանից հետո որպես հետևանք ԱԺ-ն իրավունքի ուժով ցրվի, այդ ժամանակ կանխվի խորհրդարանի լուծարումը»,- ասել է Հովհաննիսյանը: Փոխնախարարը ներկայացրել է մի իրավիճակ, երբ վարչապետը հրաժարականի դիմում է ներկայացնում, ունենում է պայմանավորվածություն, որ որևէ քաղաքական ուժ թեկնածու չի առաջադրում, հանկարծ այդ խոստումը դրժվում է, և այդ իրավակարգավորման արդյունքում ժողովուրդը չի կարողանում խոչընդոտել վարչապետի ընտրությանը: Փոխնախարարի խոսքով՝ բացի քաղաքական դրդապատճառներից նաև իրավական խնդիր կա, քանի որ հստակ չէ, թե ով է որոշում արտակարգ իրավիճակ առկա է, թե ոչ, խոչընդոտվում է պատգամավորների մասնակցությունը նիստին, թե ոչ, դա որոշելը վերապահված է խորհրդարանի նախագահի միանձնյա որոշմանը: ԵԼՔ խմբակցության պատգամավոր Էդմոն Մարուքյանը նույնպես հայտարարել է, որ նախագիծն ուղղված է վարչապետի ընտրության չկայանալու դեպքում ԱԺ-ն լուծարելու գործընթացի կանխելուն: «Վարչապետի հրաժարականի պարագայում, եթե երկու անգամ անընդմեջ երկու շաբաթվա ընթացքում չընտրվեր վարչապետը, պետք է խորհրդարանը արձակվեր, իսկ այս նախագծով խնդիր է դրվում՝ եթե պատգամավորները չեն կարողացել գալ, և ինչ-ինչ պատճառներով նիստը հնարավոր չէ գումարել, ապա նախագահողը հայտարարում է, որ նիստը համարում է ընդհատված, որովհետև կան խոչընդոտներ: Սրանով փորձ է արվում կասեցնել այն գործընթացը, որ խորհրդարանը պետք է իրավունքի ուժով արձակվի», - նշել է նա: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է Թունյան․ Ադրբեջանից գազ գնելու հարց այս պահին չկա օրակարգում Ըստ նրա՝ Հայաստանի կամ որևէ այլ երկրի համար տարբերություն չկա, թե որտեղից կգնի իր էներգառեսուրսը ՀՀ–ն կգործակցի Իտալիայի հետ ռազմական, ռազմատեխնիկական ոլորտներում․ Կան պայմանավորվածություններ Այցը տեղի է ունեցել ապրիլի 23-25-ը Բողոքի ակցիա՝ Բեռլինում «Ալիևին՝ Հաագա» վանկարկումով Ակցիայի մասնակիցները նաև ծածանել են Արցախի Հանրապետության դրոշը |