«Սասնա ծռեր». Հնդիկների ներգաղթի հարցում զերծ մնացեք ծայրահեղություններից

«Սասնա ծռեր». Հնդիկների ներգաղթի հարցում զերծ մնացեք ծայրահեղություններից

PanARMENIAN.Net - «Սասնա ծռեր» կուսակցության քարտուղարությունը հայտարարություն է տարածել հնդիկների դեմ ստորագրահավաքի վերաբերյալ՝ կոչ անելով ձեռնպահ մնալ ծայրահեղություններից:

Հայտարարության մեջ նշվում է նաև, որ հնդիկների դեմ ստորագրահավաքի նախաձեռնող «Սասնա ծռերի» անդամը չի խորհրդակցել կուսակցության պատասխանատուների հետ, և որ դա իր անձնական նախաձեռնությունն էր:

«Ցավալիորեն պետք է նշել, որ քննարկվող խնդիրների վերաբերյալ շրջանառվող տեսակետների մեջ առկա են նաև հակադիր բևեռներ ներկայացնող ծայրահեղ դրսևորումներ, որոնք վնասակարության իմաստով ըստ էության նույնանում են: Այդ ծայրահեղ դրսևորումներից մեկը պահանջում է Հայաստանի դռներն ընդհանրապես փակել օտարերկրացիների առաջ, իսկ մյուսը՝ Հայաստանը դարձնել բացարձակ բաց երկիր միգրացիոն հոսքերի համար: Երկու տեսակետների կողմնակիցներին էլ հորդորում ենք ձեռնպահ մնալ ծայրահեղություններից, որոնք մի դեպքում ենթադրում են այլատյացություն և մեկուսացում, իսկ մյուս դեպքում՝ ազգայինի ու պետականության մերժում», - նշվում է հայտարարության մեջ:

Ավելի վաղ կուսակցության անդամ Սարգիս Տեր-Եսայանը ստորագրահավաք էր նախաձեռնել Change.org-ում՝ ընդդեմ հնդիկների ՀՀ ներգաղթի:

Ընթերցեք նաև՝ «2018-ին մոտ 2000 հնդիկ ՀՀ-ում կացության կարգավիճակ է ստացել»:

 Ուշագրավ
ՀՀ ԱԻՆ-ը երկրաշարժ էր գրանցել նաև հունիսի 30-ին։
Նա այժմ բուժում է կորոնավիրուսով վարակված ծայրահեղ ծանր պացիենտներին
Նախարարը կոչ է արել ինքնաբուժմամբ չզբաղվել և հետևել միայն բժիշկների խորհուրդներին
ՀՀ-ի գերխնդիրն այս պահին այն է, որ առողջապահական համակարգը կարողանա ապահովել հիվանդների սպասարկման հարցը