Ryanair լոուքոսթերը պատրաստվում է մուտք գործել հայկական շուկա

Ryanair լոուքոսթերը պատրաստվում է մուտք գործել հայկական շուկա

PanARMENIAN.Net - Եվրոպայի խոշորագույն ավիաընկերություններից մեկը՝ Ryanair-ը, պատրաստվում է մուտք գործել հայկական շուկա։ Քաղաքացիական ավիացիայի կոմիտեի նախագահ Տաթևիկ Ռևազյանը համոզված է, որ դրա արդյունքում ավիատոմսերի գները դեպի Եվրոպա կնվազեն։

«Ryanair-ը լոուքոստ ընկերություն է: Դա նշանակում է, որ այն պայքարում է, որ ծախսերը նվազեցնեն, որ կարողանա տրամադրի էժան տոմսեր: Ընկերությունն իրականում կարող է հեղափոխություն գործել մեր ավիացիայում, կարող է ամբողջ շուկան փոխել։ Եթե Ryanair-ը մուտք գործի հայկական շուկա, համոզված եմ, որ ավիատոմսերի գները կնվազեն, ու դրա հաշվին հոսքը կշատանա ինչպես Եվրոպայից դեպի Հայաստան, այնպել էլ Հայաստանից էլ դեպի Եվրոպա»,- ասել է նա, հայտնում է «Ազատություն» ռադիոկյանը:

Ռևազյանը նշել է՝ Քաղավիացիայի կոմիտեի և ավիաընկերության ղեկավար կազմերի միջև Դուբլինում արդեն իսկ հանդիպումներ են տեղի ունեցել, արդյունավետ բանակցություններ են անցկացվել: Արդյունքներից գոհ է. «Նրանք կոնկրետ ասացին, որ ուզում են շուկա մտնել 2020 թվին։ Ասացին նաև, որ իրենց տոմսի միջին արժեքը 40 եվրո է։ Պարզ է, որ Հայաստանում 40 եվրոյով չեն կարողա թռչել, բայց հաստատ 350, 400, 500 եվրոյով չեն թռչի»:

 Ուշագրավ
Հաղթողը վճարելու է նաև հողամասի կադաստրային արժեքը՝ 40․6 մլն դրամից ավելի
Դրանով կառավարությունը ցանկանում է խրախուսել այն ընկերություններին, որոնք կարողացել են պահպանել աշխատատեղերը
«Ինժիներական ասոցիացիա» ՀԿ-ին տրամադրել 90 մլն դրամ՝ թոքերի արհեստական շնչառական սարքերի ստեղծման գաղափարների մասնագիտական ուսումնասիրության համար