ԱՆ. Մինչև 1 տարեկան երեխաների մահվան դեպքերը նվազել են

ԱՆ. Մինչև 1 տարեկան երեխաների մահվան դեպքերը նվազել են

PanARMENIAN.Net - 2018-ին Հայաստանում մինչև 1 տարեկան երեխաների մահվան դեպքերը նվազել են: Այդ մասին ասվել է առողջապահության նախարարարությունում` նախարար Արսեն Թորոսյանի և մանկական ծառայություններ մատուցող հաստատությունների ղեկավարների մասնակցությամբ տեղի ունեցած քննարկմանը, որը նվիրված էր Հայաստանում պերինատալ բազմապրոֆիլային ծառայություններին:

Ներկայացվել են մոր և մանկան առողջության պահպանմանն ուղղված ծրագրերը և կարիքները, ինչպես նաև որոշ վիճակագրական տվայլներ` առկա իրավիճակի մասին, հայտնում էառողջապահության նախարարությունը: Ըստ վիճակագրության պետական կոմիտեի, առկա է մանկական մահացության դեպքերի նվազում:Ըստ 1000 կենդանածնի ցուցանիշների 0-1 տարեկան երեխաների մահվան դեպքերն ունեն հետևյալ պատկերը. 2015-ին` մահացության 370 դեպք, 2016`-ին 356, 2017-ին` 307, 2018-ի նախնական տվյալներով` 260 դեպք:

Հայաստանում գրանցվել է 2016-ին` մայրական մահացության 12 դեպք, որից մանկաբարձական պատճառներից` 4-ը, 2017-ին` 3 դեպք, մանկաբարձական` 1-ը, իսկ 2018-ին` մահացության 8 դեպք, որից 2-ն են մանկաբարձական:

Նախարարը կարևորել է նախա և հետծննդյան խնամքը, ծննդօգնության ծառայությունների պատշաճ մատուցումը, ընդգծել մայրական և մանկական մահացության ցուցանիշի նվազմանն ուղղված քայլերը:

Հանդիպման վերջում ներկաներն ամփոփել են անելիքները և ուրվագծել ոլորտի բարելավմանն ուղղված հետագա քայլերը:

 Ուշագրավ
Ryanair ավիաընկերության առաջին թռիչքները դեպի «Զվարթնոց» օդանավակայան իտալական Հռոմից և Միլանից կիրականացվեն ուշացումներով
Սուր շնչառական վարակներով հոսպիտալացված է 668 հիվանդ
Աբրահամյանը հավելել է, որ ձեռնարկվում են միջոցներ՝ հանցավոր սխեմաներում ընդգրկված անձանց բացահայտելու ուղղությամբ