ՀԲՃ-ն Փաշինյանին․ Թեղուտի հարցում սկայպ-խորհրդակցություն կազմակերպեք ՀԲ փորձագետների հետ

ՀԲՃ-ն Փաշինյանին․ Թեղուտի հարցում սկայպ-խորհրդակցություն կազմակերպեք ՀԲ փորձագետների հետ

PanARMENIAN.Net - «Հայկական բնապահպանական ճակատ»-ն իր իր ֆեյսբուքյան էջում արձագանքել է ՀՀ վարչապետ Նիկոլ Փաշինյանի՝ Թեղուտի հանքի պոչամբարի պատվարի վերաբերյալ արված հայտարարությանը։

Համարելով նաև իրեն վարչապետի հայտարարության հասցեատեր, ՀԲՃ-ն կոչ է արել իրենց հետ բանավիճելու փոխարեն հարցի շուրջ դրսևորել համալիր մասնագիտական ու պատասխանատու մոտեցում։

«Խնդրում ենք սկայպ-խորհրդակցություններ կազմակերպել Համաշխարհային բանկի կողմից վարձված փորձագետների հետ, ովքեր ուսումնասիրել են Հայաստանի պոչամբարների վիճակը դեռ 2015-2016թթ․, ինչպես նաև Վալեքսի կողմից վարձված միջազգային ինժեներների հետ», - գրել է նախաձեռնությունը։

Փաշինյանը ֆեյսբուքյան իր էջում գրել էր, որ վերջին օրերի երկրաշարժը հերքեց Թեղուտի պատվարի փլուզման եզրին գտնվելու մասին խոսակցությունները։ Նա նշել էր, որ եթե կառավարությունը ճնշումներին տրվեր պատասխանատվություն կրելու էր: Հայաստանի ներդրումային վարկանիշը նվազեցնելու,գործազուրկ մնացած 940 աշխատողների, նվազած հարկերի և տնտեսական ցուցանիշների համար։

 Ուշագրավ
Բաբաքյար լեռը ՀՀ, Վրաստանի և Ադրբեջանի սահմանների հատման վայր է
Ծառուկյանը պատռել էր ծանուցումը
Դերասանը հայտնի է Կլոդ Զիզիի «Հրեշը», Ֆրանսիս Վեբերի «Խաղալիքը», Կլոդ Լելուշի «Տղամարդը և կինը. 20 տարի անց» ֆիլմերում երկրորդ պլանի դերերով