// IP Marketing video - START// IP Marketing video - END

Անցքը, որից ընկել էր Ստամբոլցյանը, վերջապես կփակեն

Անցքը, որից ընկել էր Ստամբոլցյանը, վերջապես կփակեն

PanARMENIAN.Net - Պուշկինի 38 հասցեով հին Երևանի նշանակալի շենքերից մեկն է՝ Առաքել Աֆրիկյանի առանձնատունը։ 20-րդ դարի սկզբին կառուցած շենքում ժամանակին ապրել է Սարդարապատի ճակատամարտի հրամանատար Մովսես Սիլիկյանը։ Այժմ այստեղ «հանգրվանել» են Թումո ստուդիաներն ու մի սրճարան։ Երևանցիներին քաջ հայտնի է նաև շենքի պատշգամբների վիճակն ու դրանցից մեկի մեծ անցքը։ Ըստ քաղաքային լեգենդի, դրանից ժամանակին ընկել է ՀԽՍՀ Գերագույն խորհրդի անդամ, հասարակական գործիչ Խաչիկ Ստամբոլցյանը։ Տասնամյակներ ի վեր անմխիթար վիճակում գտնվող պատշգամբներն այժմ նորոգվում են։ Այդ առիթով PanARMENIAN.Net ը Խաչիկ Ստամբոլցյանից փորձեց ստուգել լեգենդի իսկությունը։

Խաչիկ Ստամբոլցյանը հաստատեց, որ, իրոք, ընկել է վերոնշյալ պատշգամբից։ Տասնամյակներ առաջ տեղի ունեցած միջադեպը նա համարում է դավադրություն իր դեմ։ «Անցքը բացել են, ես ընկել եմ: Դա մահափորձ է եղել իմ դեմ՝ Լևոն Տեր-Պետրոսյանի կողմից: Էդ անցած էտապ ա, փխրեցրել են, ես կանգնել եմ»,- պատմեց Ստամբոլցյանը:

Խոսակցությունների համաձայն, Ստամբոլցյանը նաև շենքի սեփականատերն է։ Ստամբոլցյանը պատասխանեց նաև այդ հարցին։ «Կազմակերպություն է, անձնապես ինձ չի պատկանում: Կազմակերպությունը կապ ունի ինձ հետ, իմ կազմակերպությունն է: Մի մասը՝ երկրորդ հարկը, ինձ է պատկանում, առաջին հարկը ուրիշինն է»,- ասաց գործիչը:

 Ուշագրավ
«Աղբամանը դրիմ»

Ինչպես անցավ նոր քաղաքապետի մեկ տարին

 Ամենաընթերցվողը բաժնում