«1000 դրամների» հիմնադրամը կփոխհատուցի նաև 1998-ից զոհվածների հարազատներին

«1000 դրամների» հիմնադրամը կփոխհատուցի նաև 1998-ից զոհվածների հարազատներին

PanARMENIAN.Net - Պաշտպանության նախարարությունում կայացած Զինծառայողների ապահովագրության հիմնադրամի նիստի ընթացքում որոշվել է փոխհատուցել նաև 1998-իցտեղի ունեցած դեպքերի զոհերի հարազատներին: Այդ մասին իր ֆեյսբուքյան էջում հայտնել է ՊՆ խոսնակ Արծրուն Հովհաննիսյանը:

«Այսօր Պաշտպանության նախարարությունում տեղի ունեցավ Զինծառայողների ապահովագրության հիմնադրամի նիստ։ Նիստի ընթացքում որոշում կայացվեց աշխատանքներ իրականացնել` հիմնադրամի շահառուների ցանկը էապես ընդլայնելու ուղղությամբ: Մասնավորապես, նախատեսվում է 2020 թվականի հունվարի 1-ից փոխհատուցել նաև 1998 թվականից տեղի ունեցած դեպքերի հարազատներին: Այսինք 1998թ. մինչև օրս: Հիշեցնեմ, որ մինչ այժմ փոխհատուցումը տարածվում էր մինչև 2008 թվականը տեղի ունեցած դեպքերի վրա: Հիրավի` չափազանց կարևոր որոշում` հազարավոր ընտանիքների համար:»,-ասվում է գրառման մեջ:

Ավելի վաղ կառավարության շենքի առջև խաղաղ պայմաններում զոհված զինծառայողների մայրերն ու այրիները հավասար վերաբերմունք էին պահանջում պետությունից՝ մատնանշելով Մարտի 1-ի զոհերի հարազատներին 30 մլն դրամ փոխհատուցման հատկացումը: Մինչ այժմ հազար դրամների հիմնադրամից հատուցումներ են ստանում 2008 թվականից հետո սահմանը պաշտպանելիս հաշմանդամություն ստացած զինծառայողները և զոհվածների ընտանիքները։

 Ուշագրավ
Մանկապարտեզները վերաբացվելու են մայիսի 20-ից
2020-ի պետբյուջեով նախագծին արդեն տրամադրվել է 526 մլն դրամից ավելի
Որոշումը կայացվել է պարետատան և առողջապահության նախարարության հետ քննարկման արդյունքում
Շիրակում մայիսի 1-ի դրությամբ մեկուսացման և ինքնամեկուսացման մեջ են 339 քաղաքացի