Երվանդ Մանարյանը՝ Երևանի պատվավոր քաղաքացի 19 հոկտեմբերի 2019 - 15:34 AMT PanARMENIAN.Net - ՀՀ ժողովրդական արտիստ, դերասան Երվանդ Մանարյանին Երևանի քաղաքապետ Հայկ Մարությանը Երևանի պատվավոր քաղաքացու կոչում է հանձնել: Այս մասին տեղեկանում ենք Երվանդ Մանարյանի ֆեյսբուքյան էջից: Մարությանն այցելել է Մանարյանի տուն և այնտեղ հանձնել կոչումը՝ նշելով, որ անձամբ իր համար շատ մեծ պատիվ է, որ Երևանն ունի Մանարյանի նման քաղաքացի: Երվանդ Մանարյանը ծնվել է 1924 թվականին Արաքում։ Սովորել է տեղի Հայկազյան դպրոցում, ապա՝ Թեհրանի ամերիկյան և պարսկական քոլեջներում։ 1946 թվականին ներգաղթել է Հայաստան, սովորել Երևանի գեղարվեստա-թատերական ինստիտուտի ռեժիսուրայի ֆակուլտետում։ Որպես դերասան և ռեժիսոր աշխատել է Երևանի Հ. Պարոնյանի անվան երաժշտական կոմեդիայի թատրոնում և Գ. Սունդուկյանի թատրոնում։ Նկարահանել է «Հարսնացուն Հյուսիսից», «Քաոս», «Մորգանի խնամին» հայտնի ֆիլմերում, ինչպես նաև վավերագրական և գեղարվեստական մի շարք ֆիլմերում՝ «Հայկական մանրանկարչություն», «Միքայել Նալբանդյան», «Կառամատույցի կրպակը», «Լույս», «Դեղերի ծնունդը», «Նորից եկավ ամառը» և այլն։ Գրել է սցենարներ «Տժվժիկ», «Տերն ու ծառան», «Սպիտակ ափեր» և այլ ֆիլմերի համար։ Մամուլում հրատարակել է պատմվածքներ և հոդվածներ։ 2003 թվականին Երվանդ Մանարյանին շնորհվել է ՀՀ արվեստի վաստակավոր արտիստի կոչում, իսկ 2005-ին՝ ՀԹԳՄ «Արտավազդ» մրցանակ:   Ուշագրավ ՀՀ ԱԻՆ-ը երկրաշարժ էր գրանցել նաև հունիսի 30-ին։ Նա այժմ բուժում է կորոնավիրուսով վարակված ծայրահեղ ծանր պացիենտներին Նախարարը կոչ է արել ինքնաբուժմամբ չզբաղվել և հետևել միայն բժիշկների խորհուրդներին ՀՀ-ի գերխնդիրն այս պահին այն է, որ առողջապահական համակարգը կարողանա ապահովել հիվանդների սպասարկման հարցը   Ամենաընթերցվողը բաժնում |  Վերջին լուրեր ՀՀ-ն կանխելու է Արցախի բնակչության բնաջնջման ցանկացած փորձ․ Ազգային անվտանգության նոր ռազմավարությունը  Հայաստանը կկանխարգելի Արցախի ազգաբնակչության բնաջնջման կամ բռնագաղթեցման ցանկացած նոր փորձ:Արտաքին ինչ քաղաքականություն է վարելու ՀՀ-ն․ Հրապարակվել է ազգային ռազմավարությունը Հայաստանը արտաքին քաղաքակության երեք սկզբունք ունի՝ ինքնիշխանություն, համահայկականություն և փոխգործակցություն։Մակունցն ու ՌԴ դեսպանը քննարկել են տեսալսողական մեդիայի մասին օրինագիծը Մակունցը դեսպանին ներկայացրել է երկրում ընթացող ներքին քաղաքական զարգացումներըՍուրբ Սոֆիայի տաճարը կվերածվի մզկիթի․ Էրդողանը ստորագրել է որոշումը Տաճարն ուներ թանգարանի կարգավիճակ, որը ստացել էր 1934 թվականին։ |
