Վանաձորի նախկին քաղաքապետ Սամվել Դարբինյանի դեմ քրգործ է հարուցվել

Վանաձորի նախկին քաղաքապետ Սամվել Դարբինյանի դեմ քրգործ է հարուցվել

PanARMENIAN.Net - Վանաձորի նախկին քաղաքապետ Սամվել Դարբինյանը կեղծ պաշտոնական փաստաթղթեր է կազմել՝ իրականացնելով Վանաձորի կեղտաջրերի մաքրման նախկին կայանի օտարման վերաբերյալ ձևական աճուրդ։ Այս մասին հաղորդում են ՀՀ ոստիկանության մամուլի ծառայությունից:

Քաղաքապետն աճուրդի արդյունքում ընդհանուր 239.3 մլն դրամ արժեքով անշարժ գույքը անհամեմատ ցածր՝ 63․2 մլն դրամով օտարել է ձևական աճուրդում հաղթող ճանաչված անձին, ինչի պատճառով համայնքին տրվել է առանձնապես խոշոր չափերի՝ 176 մլն դրամի վնաս։

Նշվում է նաև, որ Վանաձորի նախկին քաղաքապետը, ավագանու մեկ այլ որոշմամբ, օգտագործելով իր պաշտոնեական դիրքը, կազմակերպել է վերոհիշյալ կայանի շուրջ 295․4 մլն դրամ արժողությամբ ստորգետնյա խողովակների ապամոնտաժումը։

«Վանաձորի նախկին քաղաքապետին ու նրա եղբորը պատկանող ընկերության մասնաճյուղի առանձնացված ստորաբաժանումում հոկտեմբերի 25-ին հայտնաբերվել են նույն տեսակի, տրամաչափի և քանակի խողովակներ, որոնց ձեռքբերման վերաբերյալ փաստաթղթերը բացակայել են»,-ասվում է հաղորդագրության մեջ։

Դեպքերի առթիվ ոստիկանությունում քրեական գործ է հարուցվել և ուղարկվել քննչական կոմիտե՝ նախաքննության։ Այս գործով օպերատիվ-հետախուզական միջոցառումները շարունակվում են։

 Ուշագրավ
Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները
Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար
Ամփոփվել են միասնական քննությունների առաջին փուլի արդյունքները
Հաջորդ հումանիտար բեռը նախատեսվում է տրամադրել Խարկովի հիվանդանոցներից մեկին
---