Սերժ Սարգսյանի եղբորորդու կալանավորման որոշումը բողոքարկվել է

Սերժ Սարգսյանի եղբորորդու կալանավորման որոշումը բողոքարկվել է

PanARMENIAN.Net - Սերժ Սարգսյանի եղբորորդու՝ Նարեկ Սարգսյանի կալանավորման որոշումը բողոքարկվել է Վերաքննիչում , «Հայկական ժամանակին» տեղեկացրել է նրա պաշտպան Արթուր Պիվազյանը:

Փաստաբանը նշել է, որ իրենց գնահատմամբ՝ որոշումը չպատճառաբանված և չհիմնավորված էր։

«Գտնում ենք, որ նման որոշումներ առհասարակ չպիտի կայացվեն՝ անկախ նրանից, թե կալանավորվող անձն ով է, պաշտպանողը՝ ով»,- ասել է նա:

Պաշտպանը չի ցանկացել գործից այլ մանրամասներ հայտնել:

Նարեկ Սարգսյանի կալանավորումը վերահաստատվել էր դեկտեմբերի 24-ին, երբ դատարանը բավարարել էր նախաքննական մարմնի միջնորդությունը։

Նարեկ Սարգսյանը դեկտեմբերի 21-ին ոստիկանության ծառայողների ուղեկցությամբ Չեխիայից տեղափոխվել էր Հայաստան: Նրա դեմ քրգործեր են հարուցված զենք-զինամթերքի ապօրինի շրջանառության, թմրամիջոցների ապօրինի շրջանառության, ու նկարիչ Մարտիրոս Սարյանի ժառանգներից մեկից գծանկարներ հափշտակելու մեղադրանքներով։

 Ուշագրավ
Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները
Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար
Ամփոփվել են միասնական քննությունների առաջին փուլի արդյունքները
Հաջորդ հումանիտար բեռը նախատեսվում է տրամադրել Խարկովի հիվանդանոցներից մեկին
---