359 անձ գողություն է արել «Դալմա Գարդեն Մոլից» և «Երևան Մոլից». Ընդհանուր՝ 22.6 մլն դրամի

359 անձ գողություն է արել «Դալմա Գարդեն Մոլից» և «Երևան Մոլից». Ընդհանուր՝ 22.6 մլն դրամի

PanARMENIAN.Net - «Դալմա Գարդեն Մոլ» և «Երևան Մոլ» առևտրի կենտրոններից 359 անձ գողություն է արել. նրանցից 71-ը` մարզերի, 288-ը՝ Երևանի բնակիչներ են: Այս մասին հայտարարվել է Քննչական կոմիտեի նախագահ Հայկ Գրիգորյանի նախաձեռնությամբ աշխատանքային քննարկման ժամանակ:

Հափշտակությունների արդյունքում տնտեսվարողներին 22.6 մլն դրամի վնաս է պատճառվել, որից 15.5 մլն դրամը վերականգնվել է:

Մեղադրյալների գույքի վրա հիմնականում կալանք չի դրվել՝ դրանց բացակայության պատճառով: Երկու առևտրի կենտրոնում հափշտակություն կատարած և պատասխանատվության ենթարկված անձանցից 11-ը կալանավորվել են, իսկ մնացած 348-ի հանդեպ խափանման այլ միջոցներ են կիրառվել, այսինքն՝ 96,9%-ի դեպքում կալանավորում չի կիրառվել:

Հանցագործներին, հիմնականում, բռնել են ահազանգի սարքերի միանալու արդյունքում. 7 դեպքում անվտանգության աշխատակիցն է նկատել հափշտակության պահը և բռնել հանցագործին:

Ավելի վաղ «Դալմա Ինվեստ» և «Երևան մոլ» ՍՊԸ-ների ներկայացուցիչները Քննչական կոմիտեի նախագահին հասցեագրված դիմումով խնդրել էին միջոցառումներ ձեռնարկել՝ ընկերություններից հափշտակություն արած կրկնահանցագործների նկատմամբ առավել խիստ դատավարական միջոցներ կիրառելու համար:

Կարդացեք նաև. Գրպանահատների «երջանիկ օրերը» կավարտվեն. Անպատժելիությունն ապահովող օրենքը կխստացվի

 Ուշագրավ
Պաշտպանի խոսքով՝ 30-ամյա ոստիկանի սպանության մեջ մեղադրվող 16-ամյա պատանին տեղափոխվել է ՔԿՀ
16 տարի առաջ Մարգարյանին կացնով սպանել էր ադրբեջանցի Ռամիլ Սաֆարովը
«Պետք է ամեն ինչ անենք, որպեսզի հասնենք և չանցնենք ԱՀԿ-ի կողմից խորհուրդ տրվող 15% շեմը»,- գրել է նա