Վերմիշյանի գործով ևս 6 անձ է մեղադրվում

Վերմիշյանի գործով ևս 6 անձ է մեղադրվում

PanARMENIAN.Net - ՀՀ քաղաքաշինության կոմիտեի նախագահ Վահագն Վերմիշյանին առաջադրված՝ կաշառք ստանալու վերաբերյալ քրեական գործով ևս 6 անձի է մեղադրանք առաջադրվել։

«Դատարանի որոշման հիման վրա նրանցից երեքի նկատմամբ խափանման միջոց է կիրառվել կալանավորումը՝ 2 ամիս ժամանակով»,-տեղեկացնում է Aysor.am-ը ԱԱԾ-ի վրա հղումով:

Վերմիշյանը կալանավորվել է կաշառք ստանալու քրգործի շրջանակում: Ըստ ԱԱԾ-ի` նա 1-2.5 մլն դրամի գումարի կամ ապրանքանյութական արժեքների տեսքով կաշառք ստանալու դիմաց շինաշխատանքներ կատարողների օգտին գործողություններ է արել կամ նպաստել ցանկալի որոշումների արագ կայացմանը։ Բացի այդ, նա 2019-ի հոկտեմբերի 23-ին իր աշխատասենյակում հանդիպման ընթացքում պայմանավորվածություն է ձեռք բերել մի քանի շինընկերության սեփականատիրոջը «Հայաստանի վաստակավոր շինարարի» կոչման ներկայացնելու համար՝ դրա դիմաց որպես կաշառք ստանալով $5000 և մոտ 2․3 մլն դրամին համարժեք շինանյութ։ Վերմիշյանը խոստովանել է մեղքը:

2019-ի մարտի 21-ին ՀՀ կառավարության որոշմամբ նա նշանակվել էր Քաղաքաշինության կոմիտեի նախագահ:

 Ուշագրավ
«ՀՀ ԶՈւ-երն ընդամենը պատասխանել են ադրբեջանական սադրանքներին»,- ասել է նա
Փետրվարի 27-ից սկսած օդի ջերմաստիճանը կրկին կսկսի բարձրանալ
Պաշտպանի խոսքով՝ 30-ամյա ոստիկանի սպանության մեջ մեղադրվող 16-ամյա պատանին տեղափոխվել է ՔԿՀ
16 տարի առաջ Մարգարյանին կացնով սպանել էր ադրբեջանցի Ռամիլ Սաֆարովը