ՀԲՃ-ն Արմավիրից վտանգավոր արտանետումներով գործարանի մասին ահազանգ ունի

ՀԲՃ-ն Արմավիրից վտանգավոր արտանետումներով գործարանի մասին ահազանգ ունի

PanARMENIAN.Net - Հայկական բնապահպանական ճակատ (ՀԲՃ) կամավորական նախաձեռնությունը 2019-ի վերջին Արմավիրից ահազանգ, լուսանկար և տեսանյութ էր ստացել, որ քաղաքում վերագործարկվել է մի գործարան, որը գիշերները վտանգավոր արտանետումներ է անում մթնոլորտ:

ՀԲՃ հայտարարության մեջ ասվում է, որ ավելի ուշ պարզվել է, որ ինչ-որ ընկերություն Թեղուտի հանքից ստանում է մոլիբդենի խտանյութ և նոյեմբերից ի վեր վերամշակում է այն այդ գործարանում։

Պետական կառույցներից ստացված հարցումների պատասպանների և սեփական ուսումնասիրությունների արդյունքում ՀԲՃ-ն պարզել է, որ 2006-ին «Հոկտեմբերյանի ֆերոսպլավ գործարան» ՍՊԸ-ն ստացել է լիցենզիա` մոլիբդեն պարունակող կատալիզատորների վերամշակում կատարելու համար:

«Ամենայն հավանակությամբ, հետագա մի քանի տարիներին ընկերությունը հենց դրանով էլ զբաղվել է։ Իսկ արդեն 2013-ի հոկտեմբերին «Հոկտեմբերյանի ֆերոսպլավ գործարան» ՍՊԸ-ն սնանկ է ճանաչվել՝ ունենալով մոտ 30 մլն դրամ պարտք հարկային ու մաքսային մարմիններին և մի շարք կազմակերպությունների ու բանկերի։ Սննկացած ընկերության 2006-ին ստացած եզրակցության հիման վրա 2013-ին ՍԹԱ թույլտվություն է տրվել մեկ այլ ընկերության, որն էլ առանց նոր փորձաքննության գործունեություն է իրականացրել»,- ասվում է հաղորդագրությունում:

Ըստ ՀԲՃ-ի՝ շրջակա միջավայրի նախարարությունում քայլեր ձեռնարկելու կարիք չեն տեսնում։ Բնապահպանության և ընդերքի տեսչական մարմինը «նույնպես չի ցանկացել ոչ մի գործողություն անել» և ՀԲՃ հարցումը փոխանցել է Արտակարգ իրավիճակների նախարարություն: ԱԻՆ-ից ստացած պատասխանից պարզվում է, որ Արմավիրում մոլիբդեն վերամշակող որևէ գործարան հաշվառված չէ որպես արտադրական վտանգավոր օբյեկտ ու չի անցել տեխնիկական անվտանգության փորձաքննություն։

 Ուշագրավ
Լուրը Twitter-ի իր միկրոբլոգում հաստատել է ինքը՝ Արոնյանը:
Նա խոստացել է ներդրում կատարել առաջարկ-լուծման հաջող տարբերակի պարագայում