Փաշինյան. 311 հոգի զրկվել է վարորդականից, բայց ոչ բալային համակարգի պատճառով19 փետրվարի 2020 - 14:24 AMT PanARMENIAN.Net - Հայաստանում 2020-ի սկզբից 311 վարորդ զրկվել է վարորդական իրավունքից և նրանցից ոչ մի դեպքում պատճառը չի եղել բալային համակարգը, հայտարարել է վարչապետ Նիկոլ Փաշինյանը: Նրա խոսքով՝ առաջին զրկումներից հետո իրավիճակը կվերլուծվի՝ հասկանալու, թե որքանով է պրոցեսն արդարացի: Փաշինյանը նշել է, որ վարորդական իրավունքից զրկման դեպքերը գրանցվել են օրենքի խիստ խախտումների պատճառով: «27 հոգի զրկվել է առանց պետհամարանիշի երթևեկելիս, 16 հոգի՝ կրկնակի ոչ սթափ վիճակում վարելու համար, 6 հոգի խուսափել է սթափության զննություն անցնելուց, 180 հոգի զրկվել է վարորդական իրավունքի վկայականից խմածության 0.5 մգ աստիճանի պատճառով, ևս 77 հոգի ոչ միայն զրկվել են վարորդականից, այլև քրգործեր են նախապատրաստվել նրանց դեմ»,- հայտարարել է վարչապետը՝ նշելով, որ բալային համակարգով վարորդական իրավունքից զրկվածների վիճակագրությունը մարտից հետո կներկայացվի: Վարչապետը նշել է նաև, որ 2019-ին մեքենաների թիվն ավելացել է 150,000-ով և, չնայած դրան, ճանապարհատրանսպորտային պատահարներից զոհերի թիվը նվազել է: 2020-ի հունվարի 1-ից ներդրված բալային համակարգով յուրաքանչյուր վարորդների տրվում է 9 միավոր: Ըստ օրենքի՝ մեկ տարվա ընթացքում երթևեկության կանոնների խախտումներ թույլ տալու և այդ միավորները սպառելու դեպքում վարորդական իրավունքը 6 ամսով կասեցվում է: Բալայինի ներդրումը միանշանակ չէր ընդունվել վարորդների կողմից. նրանցից ոմանք պնդում էին, թե երթևեկության ներկայիս պայմաններում այն նպաստելու է մեծ թվով վարորդների՝ վկայականից զրկվելուն: Ուշագրավ Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Ամենաընթերցվողը բաժնում | Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը ՀՀ ԱԳՆ․ Ադրբեջանական լրատվամիջոցներում հրապարակված թուղթը կեղծ է՝ Բրյուսելի հանդիպմանը գաղտնի օրակարգ չի եղել Նա հավելել է, որ բրյուսելյան գործընթացն ամբողջովին թափանցիկ է եղել և շարունակելու է մնալ այդպիսին Լիտվայի վարչապետ․ Պատրաստ ենք աջակցել ՀՀ-ին ԵՄ-ի հետ հարաբերությունների սերտացմանը Կողմերը քննարկել են անվտանգային և տնտեսական իրավիճակն Արևելյան Եվրոպայում և Հարավային Կովկասում |