ՀՀ և Վրաստանի քաղաքացիները սահմանը կհատեն ID քարտով

ՀՀ և Վրաստանի քաղաքացիները սահմանը կհատեն ID քարտով

PanARMENIAN.Net - Հայաստանի ու Վրաստանի քաղաքացիների տեղաշարժը երկկողմ ուղղություններով դյուրացվում է, նրանք կարող են փոխայցեր կատարել ID քարտերով, հայտնել է վարչապետ Նիկոլ Փաշինյանը:

«Հայաստանը և Վրաստանը ստորագրեցին հուշագիր, ըստ որի քաղաքացիները սահմանը ID քարտով հատելու հնարավորություն կունենան: Մենք պայմանավորվեցինք, որ հիմա կանցնենք այդ պայմանավորվածության իրականացմանը»,- ասել է Փաշինյանը՝ ներկայացնելով Վրաստան կատարած պաշտոնական այցի արդյունքները:

Վարչապետի խոսքով՝ ՀՀ և Վրաստանի կառավարությունների միջև ստորագրվել է քաղաքացիների տեղաշարժի դյուրացման մասին մտադրությունների հուշագիր, որը ենթադրում է, որ երկու երկրի քաղաքացիները կարող են ID քարտերով ազատ ելումուտ անել:

Վրաստանը դառնում է առաջին պետությունը, որի սահմանը հատել ՀՀ քաղաքացին կարող են ID քարտով: Հայաստանը 2017-ին Ռուսաստանի քաղաքացիներին հնարավորություն էր տվել այցելել երկիր ՌԴ ներքին անձնագրերով:

 Ուշագրավ
Երկու երկրի միջև բեռնափոխադրումներն իրականացվում են անխափան
Դիտարկմանը, թե Սարգսյանը Բելգիայում խոսել է ՀՀ-ում խնդիրներից, ԼՂ հարցից, ներքաղաքական զարգացումներից՝ Մակունցը նշել է, որ ինքը դա մտահոգիչ չի համարում
ՍԴ ղեկավարը վարաչապետից ներողություն և հերքում է պահանջում
Նամակում նշվում է, որ հայկական կողմի աջակցությունը կորոնավիրուսի դեմ պայքարում իր ազդեցությունն է ունենում բարձր մակարդակում փոխադարձ վստահության վրա