Արցախ մեկնող դիտորդներն արագ կթեստավորվեն

Արցախ մեկնող դիտորդներն արագ կթեստավորվեն

PanARMENIAN.Net - Մարտի 31-ին Արցախում կայանալիք նախագահական և խորհրդարանական ընտրություններին մասնակցելու նպատակով Հայաստանից մեկնող դիտորդները կթեստավորվեն կորոնավիրուսի հայտնաբերման արագ թեստերով։ Այդ մասին գործադիրի նիստում ասել է ՀՀ վարչապետ Նիկոլ Փաշինյանը՝ կարևորելով, որ կորոնավիրուսը մուտք չգործի Արցախ դիտորդական խմբերի հետ։

«Դիտորդական կազմակերպությունների առումով պետք է հասկանանք՝ արդյոք ռիսկային գոտիներից են նրանք, թե ոչ։ Եթե ռիսկային գոտիներից են, հարկ կլինի փոխարինել նրանց այլ դիտորդներով։ Իսկ մեկնումից առաջ դիտորդներին պետք է թեստավորվենք արագ թեստերով»,- ասել է վարչապետը՝ շեշտելով, որ չնայած Արցախում տասնյակ մարդիկ թեստավորվել են, կորոնավիրուսի որևէ դեպք այնտեղ չի հայտնաբերվել։

Ավելի վաղ Արցախում ձևավորված նոր կորոնավիրուսի տարածման կանխարգելման աշխատանքները համակարգող միջգերատեսչական հանձնաժողովը հորդորել էր քաղաքացիներին առաջիկա օրերին (նվազագույնը՝ 7 օր) զերծ մնալ ՀՀ մեկնելուց: Նշվում է, որ կարելի է ՀՀ մեկնել բացառապես խիստ անհրաժեշության դեպքում:

 Ուշագրավ
Նա խոստացել է ներդրում կատարել առաջարկ-լուծման հաջող տարբերակի պարագայում
Երեխաների պարագայում քանակի սահմանափակում չի նախատեսվում
27 պացիենտի հետ սերտ շփում ունեցած կոնտակտավորները գտնվում են կարանտինում, մյուսներն ինքնամեկուսացած են