ԵՄ-ն €90 մլն կուղղի Վրաստանում կորոնավիրուսի դեմ պայքարին. Aliq.ge

ԵՄ-ն €90 մլն կուղղի Վրաստանում կորոնավիրուսի դեմ պայքարին. Aliq.ge

PanARMENIAN.Net - Կորոնավիրուսի դեմ պայքարի համար Եվրամիությունը Վրաստանին €90 մլն է հատկացնում, փոխանցում է Aliq.ge-ն:

Վրաստանի արտաքին գործերի նախարար Դավիթ Զալկալիանին հայտնել է, որ գումարը կծախսվի կորոնավիրուսի ազդեցության նվազեցման և սոցիալ-տնտեսական հետևանքները վերացնելու համար:

Զալկալիանին Twitter-ի իր միկրոբլոգում շնորհակալություն է հայտնել ԵՄ-ին օգնության համար:

«Մենք բարձր ենք գնահատում ԵՄ համերաշխությունն ու Վրաստանին ցուցաբերվող օգնությունը Covid19-ի դեմ պայքարում: Շնորհակալություն ենք հայտնում ԵՄ-ին ՝ ավելի քան €20 միլիոն հատկացնելու համար, որը կծախսվի երկրում կորոնավիրուսի ազդեցությունը նվազեցնելու և բժշկական սարքավորումներ գնելու և €70 միլիոն՝ սոցիալ-տնտեսական հետևանքները վերացնելու համար»,- գրել է Զալկալիանին:

Մարտի 31-ի դրությամբ Վրաստանում կորոնավիրուսի հաստատված 108 դեպք կա, 21 հոգի առողջացել է: Կարանտինային գոտում է գտնվում 4995 մարդ, ստացիոնար հսկողության տակ է 278 պացիենտ: Վրաստանում պարետային ժամ է հայտարարված՝ երեկոյան ժամը 21:00-ից մինչև առավոտյան 06:00-ն արգելվում է ցանկացած տեսակի տեղաշարժ, ինչպես քաղաքներում, այնպես՝ երկրի մասշտաբով:

 Ուշագրավ
Գերմանիայի կանցլերն առաջիկա օրերին պարբերաբար կորոնավիրուսի թեստ կհանձնի
Քաղաքացիներին հրահանգվել է մնալ տանը, դուրս գալ միայն ծայրահեղ անհրաժեշտության դեպքում
Կազմակերպությունը նաև տեսանյութ է հրապարակել
«Ես նույնպես վախենում եմ, բայց ոչ թե խանութ, այլ աշխատանքի գնալուց»,- ասել է նա