Մարուքյան․ Ամբողջ ՀՀ-ում արտակարգ դրության ժամկետը չի կարող գերազանցել 30 օրը

10 ապրիլի 2020 - 15:44 AMT

PanARMENIAN.Net - «Լուսավոր Հայաստան» խմբակցության ղեկավար Էդմոն Մարուքյանը՝ անդրադառնալով ԶԼՄ-ների հրապարակումներին, թե երկրում գործող արտակարգ դրությունը կարող է երկարացվել, հիշեցրել է, որ ՀՀ ամբողջ տարածքում արտակարգ դրությունը չի կարող գերազանցել 30 օրը։

«Արտակարգ դրության իրավական ռեժիմի մասին» օրենքի 5-րդ հոդվածի 1-ին մասի համաձայն՝ Հայաստանի Հանրապետության ամբողջ տարածքում հայտարարվող արտակարգ դրության ժամկետը չի կարող գերազանցել 30 օրը, իսկ առանձին տարածքներում` 60 օրը:

Հետևաբար, ամբողջ Հանրապետության տարածքում նույն ռեժիմի երկարաձգումն օրենքով այլևս անհնար է»,- ասվում է գրառման մեջ։

Ավելի վաղ «Իմ քայլը» խմբակցության պատգամավոր Սիսակ Գաբրիելյանն ասել էր, որ քննարկվում է ևս մեկ ամսով սահմանափակումները երկարաձգելու հարցը։

Երկրում մարտի 16-ից մինչև ապրիլի 14-ն արտակարգ դրություն է՝ կորոնավիրուսի տարածումը կանխելու համար: Մարտի 25-ից երկրում գործում է քաղաքացիների տեղաշարժի սահմանափակում, որը երկարացվել է մինչև ապրիլի 12-ը:

Ուշագրավ

Ավինյան․ Չի բացառվում համապետական կարանտինը, ամենը կանենք դրան չվերադառնալու համար

ՀՀ-ի գերխնդիրն այս պահին այն է, որ առողջապահական համակարգը կարողանա ապահովել հիվանդների սպասարկման հարցը

Փաշինյան․ Կորոնավիրուսի պատճառով ՀՀ-ում ծանր իրավիճակ է, գործ ունենք վարակի երկրորդ ալիքի հետ

Վարչապետի խոսքով՝ ձեռքերի կանոնավոր լվացման, դիմակի կրման և սոցիալական հեռավորության պահպանման դեպքում համաճարակային իրավիճակը ոչ միայն կբարելավվի, այլ նաև կձգտի 0-ի