10,000 դրամ տուգանք՝ դիմակ չունենալու համար. Նախագիծն 1-ին ընթերցմամբ ընդունվել է

10,000 դրամ տուգանք՝ դիմակ չունենալու համար. Նախագիծն 1-ին ընթերցմամբ ընդունվել է

PanARMENIAN.Net - Ազգային ժողովն արտահերթ նիստում առաջին ընթերցմամբ ընդունել է բաց տարածքներում դիմակ չունենալու համար 10,000 դրամ տուգանք սահմանող նախագիծը։ Առաջարկը ներկայացրել էր կառավարությունը։

Մայիսի 18-ից պարետատան որոշմամբ քաղաքացիները հասարակական տրանսպորտ նստելիս պետք է պարտադիր դիմակ կրեն, բաց տարածքներում՝ ունենան իրենց մոտ. ամսի 25-ից դիմակ կրելը բոլոր փակ տարածքներում դառնում է պարտադիր:

Արդարադատության փոխնախարար Վահե Դանիելյանը պարզաբանել է, որ բաց տարածքում կա դիմակի առկայության, ոչ թե կրելու պահանջ։ Ըստ նրա՝ դիմակի առկայությունը ենթադրում է, որ փակ տարածք մտնելիս քաղաքացին ունի դիմակ ու կարող է այն օգտագործել։

Փակ տարածքում հաճախորդի մոտ դիմակի բացակայության համար պատասխանատվություն է կրում տնտեսվարող սուբյեկտը։

Փոխնախարարը նշել է, որ բաց տարածքներում ձեռնոց կրելու պարտադիր պահանջ ևս չկա։

Հայաստանում մայիսի 19-ի դրությամբ կորոնավիրուսով վարակի դեպքերը հասել են 5041-ի: ՀՀ-ում մարտի 16-ից գործող արտակարգ դրությունը երկարացվել է մինչև հունիսի 13-ը։

 Ուշագրավ
ՀՀ-ի գերխնդիրն այս պահին այն է, որ առողջապահական համակարգը կարողանա ապահովել հիվանդների սպասարկման հարցը
Վարչապետի խոսքով՝ ձեռքերի կանոնավոր լվացման, դիմակի կրման և սոցիալական հեռավորության պահպանման դեպքում համաճարակային իրավիճակը ոչ միայն կբարելավվի, այլ նաև կձգտի 0-ի
Մանկապարտեզները վերաբացվելու են մայիսի 20-ից
2020-ի պետբյուջեով նախագծին արդեն տրամադրվել է 526 մլն դրամից ավելի