Պեկինի իշխանությունները $1.7 մլրդ կբաժանեն բնակիչների գնումների համար

Պեկինի իշխանությունները $1.7 մլրդ կբաժանեն բնակիչների գնումների համար

PanARMENIAN.Net - Պեկինի իշխանությունները $1.7 մլրդ (12,2 մլրդ յուան) կբաժանեն բնակիչներին սպառումը խթանելու նպատակով։ Նախատեսվում է այդ գումարի վաուչերներ թողարկել, որոնք հնարավոր կլինի գնումների համար օգտագործել։

Պեկինն այդպիսով միացել է չինական մյուս քաղաքներին, որոնք կորոնավիրուսի պանդեմիայի ֆոնին կսատարեն բնակչությանը տնտեսական ոլորտում, գրում է ՌԲԿ-ն։

Վաուչերների հատկացումը մեկնարկել է չինական JD.com առևտրի առցանց հարթակի միջոցով։ Ստացած կուպոնները քաղաքացիները կարող են օգտագործել ինչպես սովորական խանութներում, այնպես էլ առցանց` զբոսաշրջության, կրթության, սպորտի և հանրային սննդի ոլորտներում գնումների համար։

Վաուչերների հատկացումը 4 փուլով կընթանա՝ հունիսի 6-ին, 13-ին, 20-ին և 27-ին։ Յուրաքանչյուր վաուչեր պետք է օգտագործել 14 օրվա ընթացքում։

Ավելի վաղ ավելի քան 6 մլրդ յուանի ($846 մլն) վաուչեր է բաժանվել չինական 50 քաղաքի բնակիչներին։

Չինաստանի տնտեսությունը մեծապես տուժել է կորոնավիրուսի պանդեմիայից։ Առավելապես տուժել են արդյունաբերությունը, մանրածախ առևտուրն ու հիմնական կապիտալ ներդրումները։ Մանրածախ առևտուրըւ 2020-ի հունվար-փետրվարի 20,5% մեծ անկումից հետո մարտին նվազել է 15,8%-ով, իսկ ներդրումները՝ 16,1%-ով։

 Ուշագրավ
Գերմանիայի կանցլերն առաջիկա օրերին պարբերաբար կորոնավիրուսի թեստ կհանձնի
Քաղաքացիներին հրահանգվել է մնալ տանը, դուրս գալ միայն ծայրահեղ անհրաժեշտության դեպքում
Կազմակերպությունը նաև տեսանյութ է հրապարակել
«Ես նույնպես վախենում եմ, բայց ոչ թե խանութ, այլ աշխատանքի գնալուց»,- ասել է նա