Փոխնախարար․ Հայ եկեղեցու պատմությունը կինտեգրվի, ծրագիրը կմնա 3 հուլիսի 2020 - 19:07 AMT PanARMENIAN.Net - Դպրոցներում Հայ եկեղեցու պատմություն առարկայի ծրագիրը նախատեսված է ուսուցանել հասարակագիտական և հայագիտական առարկաների բնագավառների ինտեգրված առարկայի ձևաչափով, իսկ ավելի բարձր դասարաններում՝ առանձնացված առարկաների ձևով: Այդ մասին հայտարարել է ՀՀ կրթության, գիտության, մշակույթի և սպորտի փոխնախարար Ժաննա Անդրեասյանը՝ մեկնաբանելով իրենց առաջարկած նոր նախագիծը, փոխանցում է Armtimes.com-ը։ Նրա խոսքով՝ առարկայի շրջանակում արդեն եղած նյութը մեծամասամբ պահպանվելու է, «բայց թե կոնկրետ որ դասարանի. որ առարկայի չափորոշիչում կլինի՝ կներկայացվի առաջիկայում»: Նախագծի տեքստում էլ նշվում է, որ ներդրումը պետք է իրականացվի 2022-2023 ուս.տարվա համար։ Անդրեասյանի խոսքով՝ ամենայն հավանականությամբ, առարկայական չափորոշիչները հանրային քննարկման կդրվեն մոտ 10 օրից, նա առաջարկում է հենց այդ պահից էլ մասնակցել բովանդակային քննարկումների։ «Փոփոխությունների արդյունքում ՀԵՊ առարկայի ուսուցիչներն աշխատանքից չեն ազատվի․ մենք առանձին մասնագիտացում և ատեստավորման գործընթաց այս ուսուցիչների մասով չենք իրականացրել, հիմնականում դրանք եղել են վերապատրաստումներ: Իսկ այս փոփոխություններով ուսուցիչների աշխատանքի հնարավորությունները սահմանափակված չեն: Հիմա՝ նոր չափորոշիչների ներդրմանն ընդառաջ, բոլոր ուսուցիչներն ունեն վերապատրաստում անցնելու և նոր առարկայական ծրագրերով ու չափորոշիչներով դասավանդելու անհրաժեշտություն»,-հայտարարել է նա։ ՀՀ-ում պարբերաբար քննարկվում է դպրոցական ծրագրից ՀԵՊ առարկայի դասավանդումը հանելու հարցը։ «Կովկասյան բարոմետրի» փոխանցմամաբ՝ Հանրակրթական դպրոցներում Հայոց եկեղեցու պատմություն առարկայի դասավանդումը դադարեցնելուն հայաստանցիների 66%-ը դեմ է, 17%-ը՝ կողմ։ Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | Սանոսյանն ու Կոպիրկինը քննարկել են ՀԱԷԿ-ի 2-րդ էներգաբլոկի շահագործման երկարաձգման հարցը Քննարկվել են նաև ենթակառուցվածքների զարգացման հարցեր Փակվել է Աղդամի ռուս–թուրքական մշտադիտարկման կենտրոնը Կենտրոնը բացվել էր 2021–ի հունվարի 30-ին Թուրքիայի և ՌԴ-ի միջև ստորագրված հուշագրի հիման վրա ԱԳՆ․ ՀՀ և Ադրբեջանի ԱԳ նախարարների հնարավոր հանդիպման մասին կտեղեկացվի պայմանավորվածության դեպքում Բադալյանն ասել է, որ ՀՀ–ն կողմ է այն հարթակներին, որոնք իրապես միտված են հարատև խաղաղության հասնելուն Եվրախորհրդարանը կոչ է արել կասեցնել էներգետիկ գործակցությունը Բաքվի հետ և պատժամիջոցներ սահմանել Ադրբեջանի պաշտոնյաների դեմ Ասվում է, որ Ադրբեջանում շարունակվող մարդու իրավունքների խախտումներն անհամատեղելի են COP 29–ը ընդունող երկիր լինելու հետ |