Նախարար. Եկեղեցու պատմությունը առանձին անցնելը չի բխում աշխարհիկ պետության տրամաբանությունից10 հուլիսի 2020 - 13:00 AMT PanARMENIAN.Net - Սուտ է, որ հայ եկեղեցու պատմությունը չի դասավանդվելու դպրոցներում, այն դասավանդվելու է հայոց պատմություն առարկայի շրջանակում, հայտարարել է ՀՀ կրթության, գիտության, մշակույթի և սպորտի նախարար Արայիկ Հարությունյանը Հանրայինի «Հարցազրույցի» ժամանակ: Եկեղեցու պատմությունը հայ ժողովրդի պատմությունից դուրս չի դիտվում, նշել է նա։ Ըստ նախարարի՝ ՀԵՊ առարկան Հայոց պատմությունից առանձնացնելը չի բխում աշխարհիկ պետության զարգացման տրամաբանությունից: Անդրադառնալով կրթական չափորոշինչներում «բարոյականություն» բառը գրելուն, նախարարն ասել է, թե «նույն եկեղեցու շրջանակում կան մարդիկ, ովքեր մեծ սեփականությւոն ունեն, բենթլիներով են շրջում, լինելով կուսակրոն՝ կուսակրոն չեն»: «Այսինքն՝ լոզունգներո՞վ պետք է առաջնորդվենք, իհարկե՝ ո՛չ: Բարոյական է այն քաղաքացին, որը ճանաչում է իր իրավունքներն ու պարտականությունները, գիտի օրենքը, համակեցության կանոնները: Այս ամենը նկարագրված է հանրակրթության պետական չափորոշիչում որպես վերջնարդյունք, և եթե մեզ հաջողվում է այս վերնջնարդյունքին հասնել, ապա մենք ավելորդ ենք համարում խոսել ոչ բարոյական հասարակության մասին»,-հայտարարել է նախարարը: Անդրադառնալով հայոց լեզու առարկային, Հարությունյանը նշել է, որ գործող չափորոշիչներով դրա դասավանդման ժամերն ավելի քիչ են, քան նորով, իսկ առարկան դպրոցական ծրագրից հանելու մասին լուրերը կեղծ են: Ավելի վաղ ԿԳՄՍՆ-ն ներկայացրել էր հանրակրթական դպրոցներում ուսուցման չափորոշիչների փոփոխման նախագիծ: Նախագծում հատկապես քննադատության էր արժանացել Հայոց եկեղեցու պատմություն առարկան որպես առանձին առարկա դպրոցական ծրագրից հանելու և Հայոց պատմություն առարկային միացնելու հարցը: Նշվում էր, որ առարկայի դասավանդման դադարեցումը կարող է վնասել ազգային ինքնությանն ու քրիստոնեական արժեքներին: Ուշագրավ Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Հաջորդ հումանիտար բեռը նախատեսվում է տրամադրել Խարկովի հիվանդանոցներից մեկին Ամենաընթերցվողը բաժնում | Վրացի խորհրդարանականներն այցելել են Ծիծեռնակաբերդ Հյուրերը ծաղիկներ են խոնարհել Հայոց ցեղասպանության զոհերի հիշատակը հավերժացնող անմար կրակի մոտ Ադրբեջանի ՄԻՊ–ն այցելել է Ստեփանակերտում մնացած հայերին՝ խոցելի խմբերի համար կացարանում Շահրամանյանն ասել է, որ Արցախում շարունակում է մնալ 10-11 մարդ ՀՀ-ից Գազա մարդասիրական օգնություն տանող ինքնաթիռը հասել է Եգիպտոս Օգնությունը ներառում է սնունդ, դեղորայք և բժշկական պարագաներ Թունյան․ ԵԱՏՄ անդամ ենք, զուգահեռ ԵՄ և այլ շուկաների ինտեգրման ուղղությամբ ենք աշխատում «Այս պահին ինչ-որ առարկայական, կտրուկ գործողության մասին խոսք չկա»,- ասել է Թունյանը |