Կիբերհանցագործությունների թիվը Հայաստանում կրկնապատկվել է

Կիբերհանցագործությունների թիվը Հայաստանում կրկնապատկվել է

PanARMENIAN.Net - 2020-ի միայն առաջին կիսամյակում քննչական կոմիտեում գրեթե այնքան հանցագործություններ են քննվել կիբերանվտանգության գործերով, որքան 2019-ին։ Այդ մասին հայտարարել է ՀՀ քննչական կոմիտեի հատկապես կարևոր գործերի քննության գլխավոր վարչության կիբեռհանցագործությունների և բարձր տեխնոլոգիաների ոլորտում կատարված հանցագործությունների քննության վարչություն ՀԿԳ ավագ քննիչ Սասուն Գրիգորյանը:

Բանախոսի խոսքով, 2019-ին հատկապես կարևոր գործերի քննության գլխավոր վարչության վարույթ է ընդունվել 118 գործ, որոնցից 64-ը վերաբերել է համակարգչային տեխնոլոգիաներով կատարված հանցագործություններին, տեղեկացնում է Panorama.am-ը:

2020-ին միայն բարձր տեխնոլոգիաների ոլորտում կատարված հանցագործությունների քննության վարչության վարույթ ընդունվել է 94 գործ: Սասուն Գրիգորյանը նշել է, որ մինչև 2019-ը կիբերհանցագործությունները տատանվել են տարեկան 100-ի սահմաններում:

Նման հանցագործությունների աճն է պատճառը, որ 2019-ին ՀՔԿ-ում ստեղծվեց հատկապես կարևոր գործերի քննության գլխավոր վաչության կիբեռհանցագործությունների և բարձր տեխնոլոգիաների ոլորտում կատարված հանցագործությունների քննության վարչությունը:

Կիբերհանցագործությունների թվի աճը քննիչը բացատրել է քաղաքացիների կողմից իրավապահներին ավելի հաճախ դիմելու փաստով: Նկատելով որ աշխարհում կիբերհանցագործությունների դեպքերի բացահայտումը տատանվում է 1 տոկոսի սահմաններում՝ Սասուն Գրիգորյանը բացատրել է, որ այն պայմանավորված է տուժողների կողից իրավապահներին չդիմելու հանգամանքով: Շեշտելով, որ Հայաստանի շատ քաղաքացիներ նույնպես տուժում են կիբերհանցագործություններից, բայց չեն բարձրաձայնում դրա մասին, քննիչը հորդորել է նման դեպքերում դիմել իրավապահներին և չփորձել ինքնուրույն լուծել խնդիրը, քանի որ դրանց բացահայտման մեխանիզմներն այլ են:

Բանախոսը նշել է, որ շատ են տարածված դեպքերը, երբ քաղաքացիներին մոլորության մեջ գցելով նրանցից ստանում են անձնագրային և բանկային քարտերի տվյալները կամ խոստացված ծառայությունների դիմաց էլոկտրոնային եղանակով ստացված գումարը հափշտակում են:

Վերջին շրջանում համացանցում կորոնավիրուսից մահացած և կոնտակտավոր անձանց անձնական տվյալներ են հայտնվել, նաև ադրբեջանցիները բազմաթիվ հայաստանյան փաստաթղթեր են հրապարակել համացանցում` անձնագրեր, բանակային

 Ուշագրավ
Ադրբեջանական կողմը հրաձգային զինատեսակներից խախտել է կրակի դադարեցման ռեժիմը 8 անգամ։
Սննդի ու խմիչքի մատչելիության տեսանկյունից ՀՀ-ն երկրորդն է ու զիջում է միայն Մադագասկարին
Համեմատության համար հուլիսի 28-ի տվյալներով արված թեստերի 22․6%-ն է եղել դրական։
Հրապարակվել է Տավուշում մարտերի ժամանակ ՀՀ ԶՈւ ԳՇ պետի կոչը՝ ուղղված հրամանատարներին և զինվորներին։