ՀՅԴ-ականները բորշչ են լցրել ՀՀ-ում Ուկրաինայի դեսպանատան վրա․ Պատճառն ԱԳՆ հայտարարությունն է15 հուլիսի 2020 - 18:15 AMT PanARMENIAN.Net - Հայ հեղափոխական դաշնակցության Երիտասարդական միության անդամները հուլիսի 15-ին ՀՀ-ում Ուկրաինայի դեսպանության մոտ բողոքի ակցիա են իրականացրել՝ բորշչով տարա նետել դեսպանատան շենքի ուղղությամբ։ Ավելի վաղ հայ-ադրբեջանական բախումների ֆոնին Ուկրաինայի ԱԳՆ-ն հայտարարել էր, որ իրենք կողմնակից են հակամարտության քաղաքական լուծմանը՝ հիմնվելով Ադրբեջանի «տարածքային ամբողջականության և սուվերենության վրա»։ Հայտարարությունից հետո ՀՀ-ում Ուկրաինայի դեսպան Իվան Կուլեբան ԱԳՆ էր կանչվել։ «Ուկրաինան տարածեց հայտարարություն, որը տարածաշրջանում սրում է կոնֆլիկտներ: Այն ջուր է լցնում մարդասպան Ադրբեջանի ջրաղացին, և այդ հայտարարությունը միակողմանի հայտարարություն է` հօգուտ ագրեսոր Ադրբեջանի»,- հայտարարել է Երիտասարդական միության անդամ Գոռ Սարգսյանը: Նրա կարծիքով` Ուկրաինան սեպ է խրում Հայաստանի հետ հարաբերությունների մեջ։ «Մենք եկել ենք ձեզ փոխանցենք ձեր եփած ճաշը, եկել ենք ձեզ փոխանցենք ձեր եփած բորշչը: Եվ ուզում ենք ասել` կերեք այդ բորշչը և սուս մնացեք։ Մեր այս գործողությունը` պատասխան Ուկրաինայի հայտարարության շատ մեղմ է»,- հայտարարել է նա։
Հուլիսի 15-ի դրությամբ սահամնային իրավիճակը համեմատաբար հանգիստ է։ Հուլիսի 12-ից հայ-ադրբեջանական սահմանին ռազմական գործողություններ են ընթանում, որոնք հրահրել է Ադրբեջանը: Բոլոր հրետակոծությունները թիրախավորվում են ՀՀ ԶՈւ կրակով և լռեցվում: Հայկական կողմը 4 զոհ ունի ու 20 վիրավոր, որոնցից 10-ը բու-ում են ստանում, 10-ը՝ դուրս են գրվել։ Ադրբեջանը պաշտոնապես 11 զոհի մասին է հայտնել: Ադրբեջանական ԶՈւ-ն նաև ականակոծել է Չինարին, Այգեպարը, Ներքին Կարմիրաղբյուրը, հրետակոծության ենթարկել նաև Բերդ քաղաքը: Ուշագրավ Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Մարությանը՝ իր կուսակցության հիմնադիր համագումարում․ Փաշինյանն ու իր թիմն այլևս անելիք չունեն՝ պետք է հեռանան «Մեր Տավուշն այստեղ է՝ այս դահլիճում»,–ասել է նա Ըստ Թուրքիայի իշխող ԱԶԿ–ի խոսնակի՝ ՀՀ-Ադրբեջան սահմանին տեղադրված սահմանաքարը չափազանց կարևոր է Նա ասել է, թե «Անկարան ողջունում է Հայաստանի դրական ուղերձները» Տոկաևը հուսով է` Ալմաթիի հանդիպումը կնպաստի հայ–ադրբեջանական պայմանավորվածությունների գործնական իրականացմանը Նա խորհրդանշական է համարել, որ այդ կարևոր միջոցառումը տեղի կունենա Ալմաթիում Միրզոյան․ Պատրաստ ենք ժամանակավորապես հյուրընկալել Գազայում վտանգված ձեռագրերը Նա նաև ասել է, որ Հայաստանը դեմ է խաղաղ բնակչությանը թիրախավորելուն |