Կորոնավիրուսի ախտանիշերով 37․5 C ջերմություն ունեցողները կթեստավորվեն

PanARMENIAN.Net - Հայաստանում այսուհետ կթեստավորեն այն քաղաքացիներին, ում ջերմությունը 37.5 C կլինի։ Նրանք թետավորումը կարող են անցնել առողջության առաջնային պահպանման օղակում և բժշկական հաստատություններում, հայտնում է Առողջապահության նախարարությունը։

Նախկինում թեստավորում էին 38.5 C ջերմություն ունեցողներին և միևնույն ժամանակ, շնչառական հիվանդություն կամ այլ կասկածելի ախտանշաններ ունեցողներին:

Ավելացվել են նաև հետևյալ դեպքերը`

1․«Տուբերկուլոզ» ախտորոշմամբ պացիենտներ՝ նախքան բուժում սկսելը,

2․ Հեմոդիալիզ ստացող պացիենտներ և նրանց սպասարկող անձնակազմ,

3․ Փակ կազմակերպությունների (տարեցների և հաշմանդամների մասնագիտացված ցերեկային խնամքի հաստատություններ, հոգեբուժական բժշկական հաստատություններ և այլն) շահառուներ և անձնակազմ,

4․ Հանրային առողջապահական մարմինների աշխատակիցներ, որոնք իրականացնում են հետազոտություններ, նմուշառումներ, և/կամ ներգրավված են կորոնավիրուսի լաբորատոր ախտորոշմանը,

5․ Հատուկ քրեակատարողական ծառայության աշխատակիցներ, որոնք անմիջական շփում ունեն դատապարտյալների հետ:

Հայաստանում հուլիսի 20-ի դրությամբ կորոնավիրուսով վարակվածների թիվը հասել է 34,981-ի։