ՌԴ մաքսային ծառայության ղեկավարի հետ հանդիպմանը քննարկվել է Վերին Լարսում ստեղծված իրավիճակը21 նոյեմբերի 2022 - 13:45 AMT PanARMENIAN.Net - ՀՀ պաշտոնյաները Մոսկվայում Ռուսաստանի մաքսային ծառայության ղեկավար Վլադիմիր Բուլավինի հետ հանդիպմանը քննարկել են Վերին Լարսում ստեղծված իրավիճակը՝ կարևորելով ընթացիկ խնդիրների օպերատիվ լուծումները: Հայկական կողմից հանդիպմանը մասնակցել են ՊԵԿ նախագահի տեղակալ Աշոտ Մուրադյանը, ՌԴ-ում ՀՀ արտակարգ և լիազոր դեսպան Վաղարշակ Հարությունյանը և ՌԴ-ում ՀՀ դեսպանությանը կից մաքսային կցորդ Վահան Հակոբյանը։ Ներկայացվել է մաքսային կցորդի գործունեության կարևորությունը՝ ՌԴ մաքսային ծառայության աշխատանքներում, ինչպես նաև տնտեսվարողներին աջակցություն ցուցաբերելու հարցում։ Հանդիպմանն անդրադարձ է կատարվել նաև Վերին Լարս անցակետի վերակառուցման և արդիականացման ընթացիկ աշխատանքներին, որի ավարտին տնտեսվարողները հնարավորություն կունենան ստանալու նոր որակի և ժամանակի պահանջներին համահունչ ծառայություններ։ Ուկրաինայում պատերազմի հետևանքով բեռների մի մասը սկսել են ցամաքային ճանապարհով, Լարսով, տեղափոխել Ռուսաստան, ինչը բազմակիլոմետրանոց հերթեր է առաջացրել մաքսակետում, ինչպես նաև ճանապարհի վրացական հատվածում։ Ղրիմի կամրջի վրա տեղի ունեցած պայթյունից հետո ռուսական կողմից Վերին Լարս անցակետում վերահսկողության խստացումը հանգեցրել է նոր բազմակիլոմետրանոց հերթերի, քանի որ համապատասխան ծառայությունները շատ ավելի մանրակրկիտ ու երկար են ստուգում մեքենաները։ Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Amnesty International-ը կոչ է արել ՀՀ իշխանություններին անհապաղ հետաքննել հունիսի 12-ի բռնությունները «Երևանում վերջին փողոցային ակցիայի ժամանակ բռնությունների մակարդակը խորը տագնապ է առաջացնում»,–ասել է կառույցի ներկայացուցիչը Բագրատ սրբազան․ Ապրում ենք իրավական ամենաթողության մեջ Նա նշել է, որ իրավապահ ամբողջ համակարգը դարձել է «իշխանության աթոռները պահող, ծառա» Հայկակ Արշամյան․ 2023–ին «Հայաստան» հիմնադրամին փոխանցումը կազմել է 7 մլրդ դրամ, 60 ծրագիր է արվել 2 նոր բազմաբնակարան շենք է կառուցվել Գյումրիում, 14 առանձնատուն՝ Լեռնագոգում, 6–ը՝ Ներքին Խնձորեսկում Երևանում կտեղադրվի 930 բեռնարկղ 4 տեսակի թափոնների համար Նոր թափոնամանները բավարար կլինեն ապակին, պլաստիկը, թուղթն ու այլումինը տեսակավորելու համար |