Վարչապետ․ ՌԴ չարձագանքման պայմաններում ստացվում է՝ ՌԴ ռազմական ներկայությունը ոչ միայն չի երաշխավորում ՀՀ անվտանգությունը, այլև սպառնալիք է ստեղծում10 հունվարի 2023 - 13:26 AMT PanARMENIAN.Net - Վարչապետ Նիկոլ Փաշինյանն ասուլիսում, անդրադառնալով ՌԴ ՊՆ-ն այն հայտարարությանը, որ ՀԱՊԿ «Անխախտ եղբայրություն-2023» խաղաղապահ զորավարժությունները 2023-ին կանցկացվեն ՀՀ-ում, հայտարարել է, որ Հայաստանում ՀԱՊԿ խաղապահների զորավարժություններ տեղի չեն ունենա, և որ ՊՆ ղեկավարն արդեն տեղեկացրել է ՀԱՊԿ միավորված շտաբին, որ հայկական կողմը ՀՀ-ում նման զորավարժություններ անցկանցնելը նպատակահարմար չի համարում, համենայնդեպս` այս տարի։ Վարչապետը շեշտել է, որ Հայաստանի ձևավորման գործընթացում անկյունաքարային է եղել այն դրույթը, որ ՌԴ-ն ՀՀ անվտանգության ոլորտի թիվ մեկ դաշնակիցն է ու անվտանգության երաշխավորը: «44-օրյա պատերազմից հետո մեր առաջնային մտահոգությունը, որը հայտնել ենք ՌԴ-ին, եղել է այն, որ մտավախություններ կան, որ Ադրբեջանը ագրեսիվ գործողություններ կձեռնակի ՀՀ միջազգայնորեն ճանաչված տարածքի նկատմամբ։ Խոսակցությունը եղել է շատ կոնկրետ, մենք ստացել ենք պաշտոնական հավաստիացումներ, որ ՀՀ սահմանները կարմիր գիծ են անվտանգության ոլորտի մեր դաշնակիցների համար», - ասել է վարչապետը։ Նա հավելել է, 2021-ի մայիսյան իրադարձությունների ժամանակ, սակայն, երբ Ադրբեջանը ներխուժեց ՀՀ տարածք, հայկական կողմը ակնկալել է կոնկրետ գործողություններ ՌԴ-ից և անվտանգային ոլորտի գործընկերներից և ի պատասխան հարցումների ստացել է դիտարկում, որ ՀՀ-Ադրբեջան սահմանը սահմանազատված չէ։ Այս համատեքստում առաջացել է բովանդակային հակասություն։ Փաշինյանը նաև նշել է, որ ՀԱՊԿ երևանյան գագաթնաժողովի հիմնական հարցը հետևյալն էր՝ հասկանալ, թե որն է ՀԱՊԿ պատասխանատվության գոտին Հայաստանում: Վարչապետը նշել է նաև, որ Ադրբեջանն իր ագրեսիվ գործողությունները բացատրում է նրանով, որ ՀՀ-ն ու ՌԴ-ն համատեղ ագրեսիվ գործողություններ են նախապատրաստում Ադրբեջանի դեմ և իրենք, իբր, կանխարգելիչ գործողություններ են իրականացնում, ինչն աբսուրդ է, բայց այս խոսույթը հետաքրքրություն է առաջացնում արտերկրում՝ Ուկրաինայում իրադարձությունների ֆոնի վրա։ Փաշինյանը հավելել է, որ Ռուսաստանի չարձագանքման պայմաններում ստացվում է, որ ՌԴ ռազմական ներկայությունը Հայաստանում ոչ միայն չի երաշխավորում ՀՀ անվտանգությունը, այլ, հակառակը, «սպառնալիքներ է ստեղծում ՀՀ անվտանգության համար»: «Առայժմ արձանագրում ենք այս փաստերը, բայց հետևություն չենք անում։ Սա անընդհատ շարունակվող խոսակցություն է եղել, որը եղել է աշխատանքային մակարդակով, հրապարակային չի խոսվել, այս թեմայով ամենօրյա աշխատանք է տարվում, որը շարունակվելու է», - ասել է նա: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է Թունյան․ Ադրբեջանից գազ գնելու հարց այս պահին չկա օրակարգում Ըստ նրա՝ Հայաստանի կամ որևէ այլ երկրի համար տարբերություն չկա, թե որտեղից կգնի իր էներգառեսուրսը ՀՀ–ն կգործակցի Իտալիայի հետ ռազմական, ռազմատեխնիկական ոլորտներում․ Կան պայմանավորվածություններ Այցը տեղի է ունեցել ապրիլի 23-25-ը Բողոքի ակցիա՝ Բեռլինում «Ալիևին՝ Հաագա» վանկարկումով Ակցիայի մասնակիցները նաև ծածանել են Արցախի Հանրապետության դրոշը |