Փաշինյան․ ՀՀ-ն հանձնառու է ընդլայնելու և խորացնելու Կիպրոսի հետ գործակցությունը15 փետրվարի 2023 - 15:10 AMT PanARMENIAN.Net - Վարչապետ Նիկոլ Փաշինյանը շնորհավորական ուղերձ է հղել Կիպրոսի նախագահ Նիկոս Խրիստոդուլիդիսին պաշտոնում ընտրվելու առթիվ՝ նշելով, որ Հայաստանը հանձնառու է ընդլայնելու և խորացնելու գործակցությունը Կիպրոսի հետ ինչպես երկկողմ, այնպես էլ բազմակողմ հարթակներում: «ՀՀ կառավարության և անձամբ իմ անունից ի սրտե շնորհավորում և լավագույն մաղթանքներ եմ հղում Ձեզ՝ Կիպրոսի Հանրապետության նախագահի պաշտոնում ընտրվելու կապակցությամբ: Խորապես հավատում եմ, որ Ձեր երկարամյա քաղաքական գործունեությունը և պետական գործչի հարուստ փորձն այն հիմքն են, որով Ձեր՝ նախագահի պատասխանատու պաշտոնավարումը կիրականացնեք մեծ նվիրվածությամբ, անսահման եռանդով և հստակ տեսլականով։ Համոզված եմ, որ մեր ժողովուրդների միջև ամուր բարեկամության վրա խարսխված հայ-կիպրական առանձնահատուկ հարաբերությունները կշարունակեն զարգանալ՝ հիմնված ընդհանուր արժեքների և մոտեցումների վրա: Իմ խորին երախտագիտությունն եմ հայտնում Ձեզ, Կիպրոսի բարձրագույն իշխանություններին և կիպրացի եղբայրական ժողովրդին՝ մեր երկրի համար դժվարին պահերին մշտապես հայ ժողովրդի կողքին լինելու և անվերապահ զորակցության համար: Միջազգային հարաբերություններում առկա խնդիրների շուրջ մեր համահունչ մոտեցումները մեզ դրդում են առավել սերտորեն և համակողմանիորեն զարգացնելու փոխգործակցությունը»,- ասվում է ուղերձում։ Կիպրոսի Հանրապետության արտաքին գործերի նախկին նախարար Նիկոս Խրիստոդուլիդիսը հաղթել է նախագահական ընտրությունների փետրվարի 12-ին տեղի ունեցած երկրորդ փուլում՝ ստանալով ձայների գրեթե 52 %-ը։ Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Ադրբեջանում հայտարարել են, որ Ղազախի շրջանում ականի պայթյունից սահմանապահ է վիրավորվել Նշվում է, որ տարածքը, որտեղ տեղի է ունեցել դեպքը, հարում է այն հատվածին, որը «Հայաստանի հետ շփման գիծ էր» ԱՆ․ Տավուշում գործընթացի վերաբերյալ կեղծ թեզեր են հնչում Դրանցից ամենատարածվածներին նախարարությունն անդրադարձել է իրավական տեսանկյունից Բալայան․ ՀՀ-ԵՄ հարաբերությունները հիմնված են հայկական ազգային շահերի վրա Նա հավելել է, որ դա սպառնալիք չէ Մոսկվայի համար Կիրանցի ղեկավարը՝ Փաշինյանի հետ Երևանում հանդիպելու առաջարկի մասին. Դեռ չենք որոշել Վարչապետի աշխատակազմից ասել են, որ տեղեկություն չունեն |