  Թուրքիայի խորհրդարանը հավանություն է տվել Շվեդիայի անդամակցությանը ՆԱՏՕ-ին 24 հունվարի 2024 - 10:32 AMT PanARMENIAN.Net - Թուրքիայի խորհրդարանը հավանություն է տվել Շվեդիայի անդամակցությանը ՆԱՏՕ-ին։ Կողմ է քվեարկել 287 պատգամավոր, դեմ՝ 55–ը։ Ակնկալվում է, որ առաջիկա օրերին Թուրքիայի նխագահ Ռեջեփ Թայիփ Էրդողանը կստորագրի վավերացման փաստաթուղթը, հայտնում է BBC-ն։ Շվեդիան, որը չի անդամակցել որևէ դաշինքի, 2022–ին՝ Ուկրաինայի դեմ ՌԴ պատերազմի պատճառով, հայտարարել էր, որ Ֆինլանդիայի հետ միասին ՆԱՏՕ–ին անդամակցելու հայտ է ներկայացնում։ «Այսօր մենք ևս մեկ քայլով մոտեցանք լիարժեք անդամակցությանը ՆԱՏՕ–ին»,–գրել է Շվեդիայի վարչապետ Ոլֆ Կրիստերսենը։ Շվեդիայի հայտը դեռ չի վավերացրել նաև Հունգարիան։ ՆԱՏՕ–ի գլխավոր քարտուղար Յենս Ստոլտենբերգը ողջունել է Թուրքիայի խորհրդարանի որոշումը և հույս հայտնել, որ Հունգարիան ևս հավանություն կտա Ստոկհոլմի հայտին։ ՆԱՏՕ-ի անդամների մեծ մասը արագ վավերացրեցին երկու երկրների անդամակցությունը, սակայն Էրդողանը ձգձգեց գործընթացը և որոշեց, որ յուրաքանչյուր երկրի ընդունումն առանձին պետք է վավերացնել: Արդյունքում Ֆինլանդիան ավարտեց ՆԱՏՕ-ին անդամակցելու գործընթացը 2023–ի ապրիլին, իսկ Շվեդիան դեռ չի ավարտել այն։ Թուրքիան մեղադրում էր Շվեդիային Քրդստանի բանվորական կուսակցության անդամներին ապաստան տալու մեջ։   Ուշագրավ Կողմերը քննարկելու են նաև համագործակցությունը նավթագազային ոլորտում Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական   |  Վերջին լուրեր Միրզոյան․ Կա պատմական պահ` վերջնականացնելու Ադրբեջանի հետ խաղաղության պայմանագրի նախագիծը  Նա այդ մասին ասել է ՀՀ-ԱՄՆ ռազմավարական երկխոսության ամփոփիչ նիստումՀայրիկյանը հացադուլ է հայտարարել «Հայաստանի իշխանությունների չարակամության պատճառով Հայաստանը դադարել է լինել իրավական պետություն»,–ասել է նաԳալուզին․ ՌԴ դեսպանը վերադարձել է Երևան Գալուզինը նշել է, որ «դեսպանին խորհրդակցությունների կանչելը ստանդարտ ընթացակարգ է» |
