 Տրանսպորտում տեսուչների հետ միջադեպից հետո 55-ամյա կին է ձերբակալվել 16 հունիսի 2026 - 17:20 AMT PanARMENIAN.Net - Հասարակական տրանսպորտում վարչարարություն իրականացնող տեսուչների հետ միջադեպի առնչությամբ ոստիկանությունը վարույթին առնչվող գործողություններ է իրականացրել և ձերբակալել 55-ամյա կնոջ: Հունիսի 13-ին՝ ժամը 17։30-ին, ՆԳՆ օպերատիվ կառավարման կենտրոն է զանգահարել Երևանի քաղաքապետարանի հասարակական կարգի պահպանության ծառայության աշխատակից մի կին։ Նա հայտնել է, որ որպես հսկիչ ծառայություն իրականացնելիս Այվազովսկու փողոցում կանգնած հանրային տրանսպորտում երեք անձ հրմշտել են իրեն և գործընկերուհուն, հարվածել ու հայհոյել, հայտնում է ՆԳՆ ոստիկանությունը։ Դեպքի վայր է մեկնել Համայնքային ոստիկանության Էրեբունու բաժնի օպերատիվ խումբ։ Պարզվել է, որ ահազանգած տեսուչը և նրա գործընկերուհին, վարչարարություն իրականացնելու նպատակով, փորձել են նույնականացնել տոմս չունեցող ուղևորներին, սակայն ուղևորներից մեկը՝ Մասիս քաղաքի 55-ամյա բնակչուհին, հարվածել է նույնականացման սարքին, քաշել հսկիչի մազերից, հնչեցրել սեռական բնույթի հայհոյանքներ և փորձել հարվածել՝ կոպիտ կերպով խախտելով հասարակական կարգը։ Մեկ այլ ուղևոր՝ Երևանի 51-ամյա բնակիչ տղամարդ, հրմշտել և քաշքշել է տեսուչներին ու պահանջել շարունակել երթուղին։ Համայնքային ոստիկանության ծառայողները ձերբակալել են 55-ամյա կնոջը։ Կազմված փաստաթղթերի հետ նա ներկայացվել է Էրեբունի և Նուբարաշեն վարչական շրջանների քննչական բաժին։ Դեպքի բոլոր հանգամանքները պարզվում են։   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
