Իրանական նոր տարին ազդեց հայկական դրամի փոխարժեքի վրա26 մարտի 2010 - 18:15 AMT PanARMENIAN.Net - Հայաստանի ազգային արժույթի փոխարժեքի կտրուկ տատանումները հիմնականում կապված են երկրի դոլարի ներհոսքի հետ, որի պատճառը իրանցի զբոսաշրջիկներն են, որոնք Հայաստանում են տոնում Նովրուզ բայրամը (Նոր տարին): PanARMENIAN.Net ի թղթակցին նման կարծիք է հայտնել «Պոլիտէկոնոմիա» հետազոտական կենտրոնի ղեկավար Անդրանիկ Թեւանյանը: Ըստ նրա, ի տարբերություն մնացած աշխարհի, դոլարի փոխարժեքը Հայաստանում ներքին գործընթաց է, որը կառավարվում է պետության կողմից: Այս պահի դրությամբ, ըստ փորձագետի, դրամի փոխարժեքը մոտ է ամրագրվածին: Այս առնչությամբ Թեւանյանը հավելել է, որ փոխարժեքի կտրուկ տատանումներ, ինչպես դա եղավ 2009թ. մարտին, երբ ԿԲ-ն հայտարարեց դրամի լողացող կուրսի անցնելու մասին, տեղի չեն ունենա: Մարտի 17-ին Հայաստանի արժույթի շուկայում դրամի փոխարժեքը ԱՄՆ 1 դոլարի համեմատ գերազանցեց «հոգեբանական» նիշը, կազմելով 400,10 դրամ մեկ դոլարի դիմաց, որից հետո դրամի փոխարժեքը աստիճանաբար արժեզրկվեց: Վերջին օրերին իրավիճակը Հայաստանի արժույթի շուկայում կարեծս սկսեց կայունանալ եւ այսօրվա դրությամբ փոխարժեքը կազմում է 394,62 դրամ 1 դոլարի դիմաց: Իր հերթին ՀՀ էկոնոմիկայի նախարարության զբոսաշրջության եւ տարածքային տնտեսական զարգացման վարչության պետ Մեխակ Ապրեսյանը հավելեց, որ զբոսաշրջության ոլորտում զգալի աճ է գրանցվել: «Մենք աշխատում ենք զբոսաշրջիկներ ներգրավել տարբեր տարածաշրջաններից եւ ուրախ ենք գրանցել, որ ըստ նախնական տվյալների, միայն մարտին Հայաստան է այցելել Իրանի 15-17 հազար քաղաքացի, ինչն առնվազն 3 անգամ գերազանցում է 2009թ. նույն ժամանակաշրջանի տվայլները»,-ասել է նա: Բացի այդ, ըստ նրա, ակնկալվում է նոր բազմամարդ հոսք Իրանից, ինչը զգալի ազդեցություն կունենա երկրի տնտեսության վրա: Մարտի 20-21-22-ին մահմեդականները նշում են Նովրուզ բայրամը, որը նշանավորում է նոր տարվա գալուստը: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Amnesty International-ը կոչ է արել ՀՀ իշխանություններին անհապաղ հետաքննել հունիսի 12-ի բռնությունները «Երևանում վերջին փողոցային ակցիայի ժամանակ բռնությունների մակարդակը խորը տագնապ է առաջացնում»,–ասել է կառույցի ներկայացուցիչը Բագրատ սրբազան․ Ապրում ենք իրավական ամենաթողության մեջ Նա նշել է, որ իրավապահ ամբողջ համակարգը դարձել է «իշխանության աթոռները պահող, ծառա» Հայկակ Արշամյան․ 2023–ին «Հայաստան» հիմնադրամին փոխանցումը կազմել է 7 մլրդ դրամ, 60 ծրագիր է արվել 2 նոր բազմաբնակարան շենք է կառուցվել Գյումրիում, 14 առանձնատուն՝ Լեռնագոգում, 6–ը՝ Ներքին Խնձորեսկում Երևանում կտեղադրվի 930 բեռնարկղ 4 տեսակի թափոնների համար Նոր թափոնամանները բավարար կլինեն ապակին, պլաստիկը, թուղթն ու այլումինը տեսակավորելու համար |