Կներկայացվի «Տիեզերքը ափի մեջ» փաստագրական ֆիլմը` ասղաֆիզիկոս Գրիգոր Գուրզադյանի մասին30 մարտի 2010 - 17:46 AMT PanARMENIAN.Net - «ՀայART» մշակութային կենտրոնում ապրիլի 2-ին տեղի կունենա ակադեմիկոս, աշխարհահռչակ աստղաֆիզիկոս, նկարիչ եւ գրող Գրիգոր Գուրզադյանին նվիրված երեկո. առաջին անգամ կցուցադրվի «Տիեզերքը ափի մեջ» փաստագրական ֆիլմը` ներկայացնելով մեծ գիտնականի, փիլիսոփայի, գրողի, նկարչի մտածողության եւ էության բազմաշերտ աշխարհը: Այս ամենն իրենց յուրովի դրսեւորումն են գտել նաեւ Գուրզադյանի նկարչության մեջ, 60 օրինակ կցուցադրվի երեկոյի ընթացքում: Իսկ գրող Գուրզադյանի գեղագիտական եւ փիլիսոփայական աշխարհին այցելուները հաղորդակից կլինեն ներկայացվող գրքերով. «Տիեզերքը ափի մեջ», «Մի սիրո պատմություն», «Կոսմիկական կատաստրոֆա», «Խոհեր.... Խոհեր...», «Որդիս Արարատի գագաթին», «Կաքավաբերդի առեղծվածը»: «Ֆիլմը ստեղծվել է Գուրզադյանի հետ տարբեր տարիների հանդիպումներից, հարցազրույցներից եւ նկարահանումներից պահպանված արխիվային նյութերի հիման վրա: Այդ հանդիպումները, զրույցները, բանավեճերը անջնջելի են եւ շատ ուսանելի, որոնք եւ փորձել եմ ֆիլմի միջոցով դարձնել բոլորինը: Գուրզադյանը ոչ միայն ապրում էր Գառնիի լեռների ու բնության մեջ, այլեւ դարձել էր դրանցից անբաժան մի մասնիկ եւ ձուլվել բնությանը` հայացքը դեպի տիեզերական անհունություն»,- հավաստեց «ՀայART» մշակութային կենտրոնի տնօրեն, ֆիլմի հեղինակ Ռիտա Շառոյանը PanARMENIAN.Net ի թղթակցի հետ զրույցում: Գրիգոր Գուրզադյան Գրիգոր Գուրզադյան - մեծանուն գիտնական, աստղաֆիզիկոս: Ծնվել է Բաղդադում 1922թ: Աշակերտելով Վիկտոր Համբարձումյանին` եղել է Բյուրականի աստղադիտարանի հիմնադիր կազմում: Նրա ղեկավարությամբ են ստեղծվել ժամանակի առավել կատարելագործված` «ՕՐԻՈՆ» տիեզերական աստղադիտարանները` տեղադրված «Սայլուտ» տիեզերական կայանի, «Սոյուզ» տիեզերանավի վրա: Աստղաֆիզիկային նվիրված նրա գրքերը դարձել են աշխարհում տվյալ ասպարեզի գլխավոր տեղեկատու աղբյուրներ, կրթել մասնագետների սերունդներ: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին» Նամակի բովանդակությունը հայտնի չէ Փաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նա ՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |